QR İshki ister mınıstrligi bergen aqparatqa sensek, búginde temir tordyń ar jaǵynda jazasyn ótep jatqan 34 myń adam bar. Jyl saıyn, olardyń ár qaısysyna, shamamen, 600 myń teńge ketedi, – dep habarlaıdy Inbusiness.kz.

Bul abaqtyda otyrǵandarǵa qatysty aqsha. Osy rette myna bir paradoksty baıqaýǵa bolady. Elimizde bala kútimi boıynsha jumys istemeıtin áıelderge aı saıyn tuńǵyshy úshin 16 myń 802 teńge, ekinshi balaǵa 19 myń 865 teńge, úshinshi balaǵa 22 myń 898 teńge, tórtinshi jáne odan keıingi balalarǵa 25 myń 961 teńge beriledi.





Iaǵnı, kúnine bir balaǵa 560-865 teńge shyǵady. Anasyna eshteńe tólenbeıdi. Al sottalǵan bir adamnyń tamaǵyna kúnine 1 myń 018 teńge jumsalady. Ekeýara aıyrmashylyq – jer men kókteı.