Sot otyrysynda is boiynsha kýáger para berýge qatysty jaýap berdi. Sádýaqas Baiǵabylovqa qylmystyq kodekstiń 190-baby 3-bóligi (iri mólsherdegi alaiaqtyq), Ashat Mankeevke 24-baby 3-bóligi (qylmysqa daiyndalý jáne qylmysqa oqtalý), 367-baby 2-bóligi (para berý) boiynsha aiyp taǵylǵan.
Sotqa Ulttyq saraptama ortalyǵy tóraǵasynyń burynǵy orynbasary Sádýaqas Baiǵabylov pen Jetisý oblysyndaǵy Ulttyq saraptama ortalyǵynyń direktory bolǵan Ashat Mankeevpen birge jumys istegen zeinettegi Amanjol Óteǵaliev kýáger retinde qatysty. Ol Mankeevtiń 2 500 dollardy ózi arqyly Baiǵabylovqa bergenin málimdedi.
«2022 jyldyń qyrkúieginde Ashat Mankeev telefon arqyly habarlasyp, Taldyqorǵannan jańadan qurylǵan Qonaev qalasyna aýysqysy keletinin aitty. Qonaev qalasyna aýysý úshin Sádýaqas Baiǵabylovpen sóilesýge kómektesýimdi surady. Baiǵabylovqa habarlasyp, «Mankeevti Almaty oblysyndaǵy Ulttyq saraptama ortalyǵyna aýystyrýǵa bola ma?» dep suradym. Onyń jas ekenin, bala-shaǵasynyń mektep oqitynyn aittym.
Sol sebepti Mankeev Almatyǵa jaqyn jerde turǵysy keldi. Baiǵabylov kelissóz júrgizip, jaýabyn keiin aitatyn boldy. Qazannyń sońynda otbasy jaǵdaiyma bailanysty Astanada boldym. Baiǵabylov pen Mankeevpen sóilestim. Ashat keshke ushyp keletinin aitty. Biraq artynan habarlasyp, bilet baǵasynyń qymbat ekenin jetkizdi. Onyń ornyna Baiǵabylovqa konvert berýimdi surady. Men bas tarttym. Ol qoimai, Baiǵabylovqa arnap 2 500 dollardy berip jiberetinin aitty. Keshe bos bolmaitynymdy aittym, biraq aqshany basqa adamdar ákelip beredi dedi. Túngi 12 shamasynda maǵan bir adam habarlasyp, syrtqa shyǵýymdy surady. Baryp, 2 500 dollardy sanap aldym», – dedi kýáger Amanjol Óteǵaliev.
Aitýynsha, erteńi Sádýaqas Baiǵabylovpen kezdesken. Aqshany bergen kezde bir-birine suraq qoimaǵan. Ol dollar valiýtasyndaǵy qarajatty Baiǵabylovqa sanap bergenin jetkizdi.
2023 jyly qańtarda Baiǵabylov habarlasyp, Kaspi shotyma 923 myń teńge aýdardy. 1 mln teńgege jetkizip, ol aqshany Ashat Mankeevke jiberýimdi surady. 77 myń teńge qosyp, Ashattyń Kaspi shotyna 1 mln teńge aýdardym. Aqpanda Baiǵabylov habarlasyp, «Ashatty sabyrǵa shaqyr, Astanaǵa kelmei-aq qoisyn» dep aitty. Bul sózin jetkizdim. Aralarynda ne bolǵanyn bilmeimin, – dedi kýáger Óteǵaliev.
Ashat Mankeevtiń ákesi Qiiasov Ulttyq saraptama ortalyǵyna basshy bolyp kelgen sátten bastap Mankeevti qýdalaǵanyn aitqan edi. Aitýynsha, kúdikti Ashat Mankeev pen burynǵy densaýlyq saqtaý vitse-ministri Erlan Qiiasovtyń arasynda janjal bolǵan. Erlan Qiiasov ekeýi egesip qalǵan. Qiiasov 2022 jyldyń qazanynda ózine Ashat Mankeevtiń para bermek bolǵanyn aityp otyr. Alaida aryzdy 2023 jyldyń qańtarynda jazǵan. Sol aryz boiynsha tergeýge alyp, Astana boiynsha sybailas jemqorlyqqa qarsy qyzmet mamandary ulymdy buryn eki ret sottaldy dep kórsetken, – degen Mankeevtiń ákesi Murat Kádirbekuly.
