سوت وتىرىسىندا ٸس بويىنشا كۋەگەر پارا بەرۋگە قاتىستى جاۋاپ بەردٸ. سەدۋاقاس بايعابىلوۆقا قىلمىستىق كودەكستٸڭ 190-بابى 3-بٶلٸگٸ (ٸرٸ مٶلشەردەگٸ الاياقتىق), اسحات مانكەەۆكە 24-بابى 3-بٶلٸگٸ (قىلمىسقا دايىندالۋ جەنە قىلمىسقا وقتالۋ), 367-بابى 2-بٶلٸگٸ (پارا بەرۋ) بويىنشا ايىپ تاعىلعان.
سوتقا ۇلتتىق ساراپتاما ورتالىعى تٶراعاسىنىڭ بۇرىنعى ورىنباسارى سەدۋاقاس بايعابىلوۆ پەن جەتٸسۋ وبلىسىنداعى ۇلتتىق ساراپتاما ورتالىعىنىڭ ديرەكتورى بولعان اسحات مانكەەۆپەن بٸرگە جۇمىس ٸستەگەن زەينەتتەگٸ امانجول ٶتەعاليەۆ كۋەگەر رەتٸندە قاتىستى. ول مانكەەۆتٸڭ 2 500 دوللاردى ٶزٸ ارقىلى بايعابىلوۆقا بەرگەنٸن مەلٸمدەدٸ.
«2022 جىلدىڭ قىركٷيەگٸندە اسحات مانكەەۆ تەلەفون ارقىلى حابارلاسىپ, تالدىقورعاننان جاڭادان قۇرىلعان قوناەۆ قالاسىنا اۋىسقىسى كەلەتٸنٸن ايتتى. قوناەۆ قالاسىنا اۋىسۋ ٷشٸن سەدۋاقاس بايعابىلوۆپەن سٶيلەسۋگە كٶمەكتەسۋٸمدٸ سۇرادى. بايعابىلوۆقا حابارلاسىپ, «مانكەەۆتٸ الماتى وبلىسىنداعى ۇلتتىق ساراپتاما ورتالىعىنا اۋىستىرۋعا بولا ما?» دەپ سۇرادىم. ونىڭ جاس ەكەنٸن, بالا-شاعاسىنىڭ مەكتەپ وقيتىنىن ايتتىم.
سول سەبەپتٸ مانكەەۆ الماتىعا جاقىن جەردە تۇرعىسى كەلدٸ. بايعابىلوۆ كەلٸسسٶز جٷرگٸزٸپ, جاۋابىن كەيٸن ايتاتىن بولدى. قازاننىڭ سوڭىندا وتباسى جاعدايىما بايلانىستى استانادا بولدىم. بايعابىلوۆ پەن مانكەەۆپەن سٶيلەستٸم. اسحات كەشكە ۇشىپ كەلەتٸنٸن ايتتى. بٸراق ارتىنان حابارلاسىپ, بيلەت باعاسىنىڭ قىمبات ەكەنٸن جەتكٸزدٸ. ونىڭ ورنىنا بايعابىلوۆقا كونۆەرت بەرۋٸمدٸ سۇرادى. مەن باس تارتتىم. ول قويماي, بايعابىلوۆقا ارناپ 2 500 دوللاردى بەرٸپ جٸبەرەتٸنٸن ايتتى. كەشە بوس بولمايتىنىمدى ايتتىم, بٸراق اقشانى باسقا ادامدار ەكەلٸپ بەرەدٸ دەدٸ. تٷنگٸ 12 شاماسىندا ماعان بٸر ادام حابارلاسىپ, سىرتقا شىعۋىمدى سۇرادى. بارىپ, 2 500 دوللاردى ساناپ الدىم», – دەدٸ كۋەگەر امانجول ٶتەعاليەۆ.
ايتۋىنشا, ەرتەڭٸ سەدۋاقاس بايعابىلوۆپەن كەزدەسكەن. اقشانى بەرگەن كەزدە بٸر-بٸرٸنە سۇراق قويماعان. ول دوللار ۆاليۋتاسىنداعى قاراجاتتى بايعابىلوۆقا ساناپ بەرگەنٸن جەتكٸزدٸ.
2023 جىلى قاڭتاردا بايعابىلوۆ حابارلاسىپ, Kaspi شوتىما 923 مىڭ تەڭگە اۋداردى. 1 ملن تەڭگەگە جەتكٸزٸپ, ول اقشانى اسحات مانكەەۆكە جٸبەرۋٸمدٸ سۇرادى. 77 مىڭ تەڭگە قوسىپ, اسحاتتىڭ Kaspi شوتىنا 1 ملن تەڭگە اۋداردىم. اقپاندا بايعابىلوۆ حابارلاسىپ, «اسحاتتى سابىرعا شاقىر, استاناعا كەلمەي-اق قويسىن» دەپ ايتتى. بۇل سٶزٸن جەتكٸزدٸم. ارالارىندا نە بولعانىن بٸلمەيمٸن, – دەدٸ كۋەگەر ٶتەعاليەۆ.
اسحات مانكەەۆتٸڭ ەكەسٸ قيياسوۆ ۇلتتىق ساراپتاما ورتالىعىنا باسشى بولىپ كەلگەن سەتتەن باستاپ مانكەەۆتٸ قۋدالاعانىن ايتقان ەدٸ. ايتۋىنشا, كٷدٸكتٸ اسحات مانكەەۆ پەن بۇرىنعى دەنساۋلىق ساقتاۋ ۆيتسە-مينيسترٸ ەرلان قيياسوۆتىڭ اراسىندا جانجال بولعان. ەرلان قيياسوۆ ەكەۋٸ ەگەسٸپ قالعان. قيياسوۆ 2022 جىلدىڭ قازانىندا ٶزٸنە اسحات مانكەەۆتٸڭ پارا بەرمەك بولعانىن ايتىپ وتىر. الايدا ارىزدى 2023 جىلدىڭ قاڭتارىندا جازعان. سول ارىز بويىنشا تەرگەۋگە الىپ, استانا بويىنشا سىبايلاس جەمقورلىققا قارسى قىزمەت ماماندارى ۇلىمدى بۇرىن ەكٸ رەت سوتتالدى دەپ كٶرسەتكەن, – دەگەن مانكەەۆتٸڭ ەكەسٸ مۇرات كەدٸربەكۇلى.
