Sherzat Polattyń ólimine bailanysty rezonansty is boiynsha sýd tóraǵasy Erjan Januzaqovty aýystyrý týraly advokat Ábenovtiń ótinishi qanaǵattandyrylmady, dep habarlaidy Dalanews.kz.
Qorǵaý tarapynyń ýájderi negizsiz dep tanyldy.
Sot qorǵaý tarapynyń sýdiaǵa senimsizdik bildirý týraly ýájderin negizsiz dep tanyp, ótinishti qanaǵattandyrýdan bas tartty.
Sýdia is qaraýyn qaita jalǵastyrady.
Osylaisha, sýdia Erjan Januzaqov Sherzat Polatty óltirý isin qaraýdy jalǵastyrady. Is qoǵamda úlken rezonans týdyrǵan bolatyn.
Eske salaiyq, buǵan deiin aiyptalýshynyń advokaty sýdiaǵa qarsylyq bildirgen bolatyn. 28 mamyr kúni túske deiingi otyrysta aiyptalýshy Abzal Shynasyl – Ábenovtyń qorǵaýshysy is júrgizip otyrǵan sýdia Erjan Januzaqovqa qarsylyq bildirdi.
Almaty oblystyq sotynyń baspasóz qyzmeti bul týraly resmi túsinikteme berdi:
– QR Qylmystyq-protsestik kodeksiniń 87-babynyń 11-bólimine sáikes, isti jeke qarap otyrǵan sýdiaǵa qatysty qarsylyq (otvod) sol sottyń tóraǵasy nemese basqa sýdia arqyly qaralady. Osyǵan bailanysty, talapty osy sottyń sýdiasy Beiimbetov A.A. qaraidy. Sot protsesiniń naqty ýaqyty qosymsha habarlanady, – delingen habarlamada.
Aita keteiik, buǵan deiin Sherzat Polat isi boiynsha aiyptalýshylardyń advokattary prokýrorǵa da qarsylyq bildirgen edi, alaida ol ótinishti sot qanaǵattandyrmaǵan bolatyn.
