شەرزات پولاتتىڭ ٶلٸمٸنە بايلانىستى رەزونانستى ٸس بويىنشا سۋد تٶراعاسى ەرجان جانۇزاقوۆتى اۋىستىرۋ تۋرالى ادۆوكات ەبەنوۆتٸڭ ٶتٸنٸشٸ قاناعاتتاندىرىلمادى, دەپ حابارلايدى Dalanews.kz.
قورعاۋ تاراپىنىڭ ۋەجدەرٸ نەگٸزسٸز دەپ تانىلدى.
سوت قورعاۋ تاراپىنىڭ سۋدياعا سەنٸمسٸزدٸك بٸلدٸرۋ تۋرالى ۋەجدەرٸن نەگٸزسٸز دەپ تانىپ, ٶتٸنٸشتٸ قاناعاتتاندىرۋدان باس تارتتى.
سۋديا ٸس قاراۋىن قايتا جالعاستىرادى.
وسىلايشا, سۋديا ەرجان جانۇزاقوۆ شەرزات پولاتتى ٶلتٸرۋ ٸسٸن قاراۋدى جالعاستىرادى. ٸس قوعامدا ٷلكەن رەزونانس تۋدىرعان بولاتىن.
ەسكە سالايىق, بۇعان دەيٸن ايىپتالۋشىنىڭ ادۆوكاتى سۋدياعا قارسىلىق بٸلدٸرگەن بولاتىن. 28 مامىر كٷنٸ تٷسكە دەيٸنگٸ وتىرىستا ايىپتالۋشى ابزال شىناسىل – ەبەنوۆتىڭ قورعاۋشىسى ٸس جٷرگٸزٸپ وتىرعان سۋديا ەرجان جانۇزاقوۆقا قارسىلىق بٸلدٸردٸ.
الماتى وبلىستىق سوتىنىڭ باسپاسٶز قىزمەتٸ بۇل تۋرالى رەسمي تٷسٸنٸكتەمە بەردٸ:
– قر قىلمىستىق-پروتسەستٸك كودەكسٸنٸڭ 87-بابىنىڭ 11-بٶلٸمٸنە سەيكەس, ٸستٸ جەكە قاراپ وتىرعان سۋدياعا قاتىستى قارسىلىق (وتۆود) سول سوتتىڭ تٶراعاسى نەمەسە باسقا سۋديا ارقىلى قارالادى. وسىعان بايلانىستى, تالاپتى وسى سوتتىڭ سۋدياسى بەيٸمبەتوۆ ا.ا. قارايدى. سوت پروتسەسٸنٸڭ ناقتى ۋاقىتى قوسىمشا حابارلانادى, – دەلٸنگەن حابارلامادا.
ايتا كەتەيٸك, بۇعان دەيٸن شەرزات پولات ٸسٸ بويىنشا ايىپتالۋشىلاردىڭ ادۆوكاتتارى پروكۋرورعا دا قارسىلىق بٸلدٸرگەن ەدٸ, الايدا ول ٶتٸنٸشتٸ سوت قاناعاتتاندىرماعان بولاتىن.
