SQO Tótenshe jaǵdailar departamenti baspasóz qyzmetiniń taratqan málimetinshe, óńirlerdegi joldardy qardan tazalaý úshin 1 246 tehnika jumysqa kirisken. Olardyń arasynda qar tazalaýshy mashina men ózge de tehnikalar bar.
Aitalyq, súiretpe, kýng, qarda júretin kólik pen vahtaǵa arnalǵan mashinalar oryn alǵan tótenshe jaǵdaidy eńserýge daiyn tur.
Sonymen qatar oblys boiynsha 14 jedel izdestirý toby jasaqtalǵanyn da aita ketýimiz kerek. Olardyń quramyna qutqarýshylar, tártip saqshylary jáne jergilikti bilik oryndarynyń ókilderi kirgen.
Qytymyr qysta jolda qalǵan azamattar úshin óńirde 300 jylytý ortalyǵy uiymdastyrylǵanyn aita ketýimiz kerek.
– 2021-2022 jyldyń qys mezgilinde bizdiń qutqarýshylarymyz jolda qalǵan 86 adamdy qutqarǵan. Sońǵy úsh jyldaǵy jaǵdaiǵa sholý jasasaq, oblysymyzda qys mezgilinde jolda qalyp, adamdardyń mert bolý oqiǵasy múlde tirkelmegen. Budan bizdiń qutqarýshylardyń óz jumysyna asqan jaýapkershilikpen qaraitynyn baiqaýǵa bolady, – dedi department ókili.
https://dalanews.kz/kogam/84530-erkebulan-qaynazarov-altyn-dombyra
