سولتسۇتىك قازاقستان وبلىسىنىڭ قۇتقارۋشىلارى قىس كەزىندە جولدا قالعان جولاۋشىلاردىڭ قۇتقارۋ ءىسى بويىنشا ماشىعىن شىڭداپ، ارنايى وقۋ-جاتتىعۋ جۇمىستارىن جۇرگىزدى.

سقو توتەنشە جاعدايلار دەپارتامەنتى باسپا ءسوز قىزمەتىنىڭ تاراتقان مالىمەتىنشە، وڭىرلەردەگى جولداردى قاردان تازالاۋ ءۇشىن 1 246 تەحنيكا جۇمىسقا كىرىسكەن. ولاردىڭ اراسىندا قار تازالاۋشى ماشينا مەن وزگە دە تەحنيكالار بار.

ايتالىق، سۇيرەتپە، كۋنگ، قاردا جۇرەتىن كولىك پەن ۆاحتاعا ارنالعان ماشينالار ورىن العان توتەنشە جاعدايدى ەڭسەرۋگە دايىن تۇر.

سونىمەن قاتار وبلىس بويىنشا 14 جەدەل ىزدەستىرۋ توبى جاساقتالعانىن دا ايتا كەتۋىمىز كەرەك. ولاردىڭ قۇرامىنا قۇتقارۋشىلار، ءتارتىپ ساقشىلارى جانە جەرگىلىكتى بيلىك ورىندارىنىڭ وكىلدەرى كىرگەن.

قىتىمىر قىستا جولدا قالعان ازاماتتار ءۇشىن وڭىردە 300 جىلىتۋ ورتالىعى ۇيىمداستىرىلعانىن ايتا كەتۋىمىز كەرەك.

– 2021-2022 جىلدىڭ قىس مەزگىلىندە ءبىزدىڭ قۇتقارۋشىلارىمىز جولدا قالعان 86 ادامدى قۇتقارعان. سوڭعى ءۇش جىلداعى جاعدايعا شولۋ جاساساق، وبلىسىمىزدا قىس مەزگىلىندە جولدا قالىپ، ادامداردىڭ مەرت بولۋ وقيعاسى مۇلدە تىركەلمەگەن. بۇدان ءبىزدىڭ قۇتقارۋشىلاردىڭ ءوز جۇمىسىنا اسقان جاۋاپكەرشىلىكپەن قارايتىنىن بايقاۋعا بولادى، – دەدى دەپارتمەنت وكىلى.

https://dalanews.kz/kogam/84530-erkebulan-qaynazarov-altyn-dombyra