Memleket basshysy Qasym-Jomart Toqaev keshe qazaq ǵylymynyń qara shańyraǵy - Ǵylym ordasynda ǵalymdarmen kezdesti. Prezident búgingi zaman ǵylym men bilimniń zamany ekenine toqtalyp, "Otanymyzdy kórkeitemiz desek, eń aldymen, osy eki salany damytýymyz kerek. Budan basqa jol joq" dep naqty mindet qoidy.
Ǵylym - qai-qai eldiń de qozǵaýshy kúshi. Ǵylymdy damytý úshin ǵalymdarǵa jaǵdai jasalýy qajet. Bul jóninde Qasym-Jomart Toqaev "Biz ǵalymdarǵa jaǵdai jasaý kerek dep jii aitamyz. Bul – qur sóz emes" dedi. Rasynda da, qazaq rýhaniiatynyń, qazaq bilim-ǵylymynyń qaimaqtary jinalǵan alqaly kezdesýdiń sońynda jas ǵalymdar baspanaly boldy, - dep habarlaidy Dalanews.kz.
Memleket basshysy kezdesýde akademik Qanysh Sátbaevtyń ómir jolynan mysal keltirdi. Ǵalym 25-30 jas shamasynda qazaq ǵylymy úshin teńdesiz jańalyqtar ashqan. Prezident jastar arasynan da Shoqan, Abai, Álihan, Ahmet, Qanysh sekildi ziialylar shyǵatynyna senim bildirip, ǵalymdarǵa áleýmettik qoldaý kórsetý qashan da mańyzdy, ózekti bolyp qala beretinin jetkizdi.
Búginde memleket ǵalymdardy qoldaý úshin naqty sharalardy júzege asyryp jatyr. Prezident óz sózinde aldaǵy eki jylda jas ǵalymdardyń zertteýine bólinetin grant sany taǵy da kóbeietinin málimdedi. Buǵan biýdjetten 18 milliard teńge bólinbek.
Al eń bastysy ǵalymdar tek ǵylymi baǵytpen ainalysyp, tabystarǵa jetýi úshin memleket baspana máselesin de sheship berip otyr.
"Byltyr 284 jas ǵalym baspana aldy. Biyl meniń tapsyrmammen olarǵa taǵy 200 páter beriletin boldy. Osyndai naqty sharalar arqyly elimizdegi ǵylymdy jáne jalpy ǵalymdar qaýymyn qoldaý jumysy aldaǵy ýaqytta da jalǵasyn tabady", - dedi Memleket basshysy.
Shara sońynda Prezident Qasym-Jomart Toqaev ǵylymnyń túrli salasynda eseli eńbek etip júrgen birneshe azamatqa saltanatty túrde páter sertfikattaryn tabystady.
Bul tizimde myna ǵalymdar bar:
- Abildina Ainaz Qairatqyzy – Q.I. Sátbaev atyndaǵy Qazaq ulttyq tehnikalyq zertteý ýniversitetiniń qaýymdastyrylǵan professory;
- Moldamuratov Janǵazy Nurjanuly – Halyqaralyq bilim berý korporatsiiasynyń jalpy qurylys fakýltetiniń dekany;
- Áliia Temirhan – Qazaqstan-Britan tehnikalyq ýniversitetiniń ǵylymi qyzmetkeri;
- Qurmanov Erǵali Berjigituly – Ál-Farabi atyndaǵy Qazaq ulttyq ýniversitetiniń dotsenti;
- Januzaq Ramazan Jaqsybaiuly – Á.H. Marǵulan atyndaǵy Arheologiia institýtynyń zerthana meńgerýshisi;
- Omarova Jansaia Baǵdatqyzy – Q.I. Sátbaev atyndaǵy Qazaq ulttyq tehnikalyq zertteý ýniversitetiniń aǵa oqytýshysy;
- Bakranov Nurlan Bolatuly – Qazaqstan Respýblikasy Prezidenti janyndaǵy Ulttyq Ǵylym akademiiasynyń bas qyzmetkeri;
- Qultaeva Shynar Málikqyzy – Halyqaralyq bilim berý korporatsiiasynyń qaýymdastyrylǵan professory;
- Baijuma Sámet – Ál-Farabi atyndaǵy Qazaq ulttyq ýniversitetiniń oqytýshysy.
- Ádilhan Baýyrjan Núkerbekuly – Seismologiialyq baqylaý jáne zertteý ulttyq ǵylymi ortalyǵynyń laboratoriia meńgerýshisi.
Kezdesýde baspanaly bolǵan ǵalymdardyń biri - Ál-Farabi atyndaǵy Qazaq ulttyq ýniversitetiniń dotsenti Erǵali Qurmanov. Ol búginde QazUÝ-da fizika jáne astronomiia salasynda ǵylymi zertteý jumystarymen ainalysady.
Ǵalym el Prezidentine shynaiy alǵysyn bildirdi.
"Men úshin qýanyshty jańalyq. Óitkeni jastardyń, sonyń ishinde jas ǵalymdardyń áleýmettik jaǵdaiy jaqsaryp jatyr. Óte qýanyshtymyn. Áli senip turǵan joqpyn. Bizge odan ári jaqsy jumys jasaýǵa motivatsiia. Tek ózimizdiń jumysymyzdy oilap, artyq eshteńe oilamai, jumysqa ǵana kóńil bóletindei jaǵdai jasalyp jatyr.
Ózimniń zertteý oblysym - fizika jáne astronomiia. Memleket basshysy Qasym-Jomart Kemelulyna, qoldaý kórsetken áriptesterime jáne ata-anama alǵysymdy bildiremin", - dedi Ál-Farabi atyndaǵy Qazaq ulttyq ýniversitetiniń dotsenti Erǵali Qurmanov.
Prezident qolynan páter sertifikatyn alǵandardyń biri - Ál-Farabi atyndaǵy Qazaq ulttyq ýniversiteti filosofiia jáne saiasattaný fakýltetiniń oqytýshysy Sámet Baijuma. Ol ǵylymdaǵy eńbek jolyn QazUÝ-daǵy "Ál-Farabi" ortalyǵynda ǵylymi qyzmetker bolyp bastaǵan. Sonymen qatar, jas ǵalym - kópbalaly áke.
"Memleket basshysynyń Qazaqstannyń jas ǵalymdarymen kezdesýi sharasy aiasynda páterge qolymyz jetip jatyr. Bul óz kezeginde bizdiń jas ǵalymdardyń ǵylymmen esh alańsyz ainalysýyna jasalǵan úlken bir qoldaý dep bilemiz. Jas ǵalymdardyń áleýeti, sondai-aq,olardyń áleýmettik jaǵdaiy qarastyrylǵan. Óz basymdy alatyn bolsam, bes balanyń ákesimin. Jas ǵalymdardyń arasynda konkýrstan ótip, osyndai úlken qýanyshqa ie bolyp jatqanyma óte qýanyshtymyn", - dedi Sámet Baijuma.
