"Eńbek" baǵdarlamasy iske asyryla bastaǵannan beri 2016 jyldan Qostanaı oblysyna Túrkistan oblysynan 617 adam kóship kelgen, onyń ishinde 319 er adam jáne 298 áıel qonys aýdardy.
Qonys aýdarý birinshi kezekte oblystyń eńbek naryǵyn tolyqtyrý maqsatynda júzege asyrylady.
Osy oraıda, halyq kóp qonystanǵan óńirlerde ótkizilip jatqan bos oryn jármeńkelerinde nıet bildirgenderge birinshi kezekte oblysta suranysqa ıe mamandyqtar usynylady.
Kelgen kezde qonys aýdarýshylar Jumyspen qamtý ortalyǵy usynǵan bos oryndarǵa ornalastyrylady, usynylǵan jumys unamaǵan jaǵdaıda jumysty óz betinshe izdeıdi.
Kelgen qonys aýdarýshylar muǵalim, dáriger, mehanızator, aspazshy, menejer jáne t.b. mamandyqtar boıynsha jumysqa ornalastyryldy.
Qostanaı oblysyna kelgen 617 qonys aýdarýshynyń 292-i – eńbekke jaramdy, onyń ishinde 243 adam (83,2%) jumysqa ornalastyryldy.
Kez kelgen azamat Jumyspen qamtý ortalyǵyna ótinim bergen kezde mamandar bul másele boıynsha konsýltasıa júrgizedi, Baǵdarlama aıasynda tegin kásiptik oqytýdan ótý, sondaı-aq qalasa eńbek naryǵynda suranysqa ıe ekinshi mamandyq alý múmkindigi usynylady. Negizinen, qonys aýdarýshylar kelgen bette jumysqa ornalastyrylady.
Oblys boıynsha jumys kúshine qajettilik jyl saıyn 6 myńǵa deıin birlikti quraıdy.
Qazirgi tańda oblystyń eńbek naryǵynda kóp talap etiletin bilikti jumysshy mamandyqtar: mehanızatorlar, úlken júk kólikteriniń júrgizýshileri, qurylysshylar, elektr jabdyqtarynyń mamandary, aspazshylar jáne t.b. Oblysta dárigerler, muǵalimder men tehnıkalyq baǵyttaǵy mamandarǵa turaqty qajettilik baıqalady.
Aýyl sharýashylyǵyn damytý úshin jeńildik paıyzy boıynsha túrli mıkrokredıt berý baǵdarlamalary bar, sondaı-aq «Eńbek» Baǵdarlamasy aıasynda granttyq qarjylandyrý jáne mıkrokredıt berý qarastyrylǵan.
Memlekettik granttar bastapqy bıznesti iske asyratyn nemese iske asyrýdy josparlaıtyn
Baǵdarlamaǵa qatysýshylarǵa óteýsiz jáne qaıtarymsyz negizde beriledi.
Jańa bıznes-ıdeıalardy iske asyrýǵa arnalǵan memlekettik granttar 100 aılyq eseptik kórsetkishke deıingi mólsherde (252,2 myń teńge) beriledi, al jastarǵa, kópbalaly jáne tabysy az otbasylarǵa, eńbek etýge qabiletti múgedekterge jańa bıznes-ıdeıalardy iske asyrýǵa arnalǵan memlekettik granttar 200 aılyq eseptik kórsetkishke deıingi mólsherde (505,0 myń teńge) beriledi.
«Bastaý Bıznes» jobasy boıynsha kásipkerlik negizderine oqý múmkindigi bar. Oqýdan ótkennen keıin óteýsiz negizde memlekettik grant nemese jeńildik sharttary boıynsha mıkrokredıt alýǵa bolady. Aǵymdaǵy jyly «Bastaý Bıznes» jobasy boıynsha 3 adam oqýdan ótti.
Turǵyn úı naryq baǵasy boıynsha jalpy negizde satyp alynady. Qonys aýdarý baǵdarlamasyna qatysýshylarǵa turǵyn úıdi jaldaý (jalǵa alý) jáne komýnaldyq qyzmetterge aqy tóleý boıynsha shyǵystardy óteýge materıaldyq kómek tólemi qarastyrylǵan – otbasyndaǵy adam sanyna baılanysty on eki aı boıy aı saıyn qalalyq jerlerge qonys aýdarǵandar úshin 20-dan 30 deıingi AEK mólsherde (50500 - 75750 teńge) jáne aýyldyq jerlerge qonys aýdarǵandar úshin 15-den 21 deıingi AEK mólsherde (37875 – 53025 teńge).
Sonymen qatar, qonys aýdarýshylar materıaldyq kómekti otbasyna bir jylǵa eseptelgen soma sheginde (454,5 myń teńgeden 909,0 myń teńgege deıin) birjolǵy alýǵa jáne ony menshikke turǵyn úı satyp alýǵa paıdalanýǵa quqyly (aldyn ala satý-satyp alý sharty bolǵan kezde).
Qalada turatyn qonys aýdarýshylar negizinen turǵyn úıdi jaldap turady, al aýylda satyp alady.
