Soltústik Qazaqstan oblysynda elevator qyzmetkeri astyq qoımasyna qulap, bıdaıǵa batyp qaıtys boldy dep habarlaıdy Dalanews.kz.
Qaıǵyly jaǵdaı 19 qarasha keshke jaqyn boldy. Kásiporynnyń qyzmetkeri 30 metr bıiktikten astyq qoımasyna qulap tústi. Kásiporyn qyzmetkerleri qutqarýshylardy shaqyrǵan.
Áıel tabylǵan kezde, qaıtys bolǵany rastaldy. Jedel járdem qyzmetkerleri onyń asfıksıadan qaıtys bolǵanyn anyqtady.
Bul derek oblystyq polısıa departamentiniń baspasóz qyzmetinde rastaldy.
“19 qarasha kúni SQO, Aqjar aýdanynyń bir aýyl sharýashylyq kásiporyn aýmaǵynda 34 jastaǵy jumysshy áıel astyq qoımasyna qulap, qaza tapty. Eńbekti qorǵaý erejelerin buzý faktisi boıynsha polısıa qylmystyq is qozǵady, tergeý júrgizilýde”, — dep túsindirdi SQO PD.
