Soltústik Araldy qalpyna keltirý jobasynyń ekinshi kezeńine daiyndyq barysy týraly Qazaqstannyń sý resýrstary jáne irrigatsiia birinshi vitse-ministri Bolat Bekniiaz aityp berdi. Búgingi tańda jobanyń tehnikalyq-ekonomikalyq negizdemesi jasalyp, qazir memlekettik saraptamadan ótýde, dep habarlaidy Dalanews.kz.
Bolat Bekniiaz Qazaqstannyń Araldy qutqarý jónindegi halyqaralyq qoryndaǵy tóraǵalyǵyna arnalǵan shtab otyrysynda sóz sóiledi. Bul týraly vedomstvonyń baspasóz qyzmeti habarlady.
Ol jobanyń tehnikalyq-ekonomikalyq negizdemesi ázirlenip, qazir memlekettik saraptamadan ótip jatqanyn aitty.
Vedomstvonyń málimetinshe, aldaǵy ýaqytta sý resýrstary jáne irrigatsiia ministri Nurjan Nurjigitov Dúniejúzilik bank ókilderimen kezdesedi. Aita ketý kerek, Soltústik Araldy qalpyna keltirý jumystary atalǵan banktiń qatysýymen júrgizilip jatyr.
"Prezident 2040 jylǵa qarai Qazaqstandaǵy sý resýrstarynyń tapshylyǵy 12-15 milliard tekshe metrge jetýi múmkin ekenin aitty. Sondyqtan bul qorǵa tóraǵalyq etý aiasynda óz aimaǵymyzda túziletin sýdy jinaqtaý, ylǵaldy únemdeitin tehnologiialardy jedel engizý, irrigatsiia júieleri men gidrotehnikalyq qurylystardy qaita qurý arqyly osy protsesti teńestirý qajet", - dedi Nurjigitov.
Habarlamada Qazaqstannyń Araldy qutqarý jónindegi halyqaralyq qoryna tóraǵalyq etý kezeńine jol kartasy daiyndalyp, qordyń atqarý komitetiniń tóraǵasy taǵaiyndalǵany aitylǵan. Atqarý komiteti Astanada ornalasady jáne oǵan ár elden eki ókil kiredi. Uiymdastyrý jumystary tolyq aqpan aiynda aiaqtalady.
Ortalyq Aziianyń memleketaralyq úilestirý sý sharýashylyǵy komissiiasynyń kezekti otyrysynda Soltústik Araldy sýmen qamtamasyz etýdiń boljamdy kestesi qaralady. 2023 jyldyń qorytynysy boiynsha teńizge 2 milliard tekshe metrden astam sý jiberildi.
2024 jyldyń 1 qańtarynda Araldy qutqarý halyqaralyq qoryna tóraǵalyq etý úsh jylǵa Qazaqstanǵa ótti.
