Soltústik Aral teńizindegi sý kólemi 2023 jylǵy 18,4 tekshe shaqyrymnan 23,5 tekshe shaqyrymǵa deiin ulǵaidy, dep habarlaidy dalanews.kz.
Resmi aqparatqa sáikes, Qazaqstan transshekaralyq sý máselesi boiynsha barlyq kórshiles memleketpen tiisti quqyqtyq negiz qalyptastyryp, ekijaqty komissiialardyń turaqty jumysyn jolǵa qoiǵan. Osy baǵytta Ózbekstanmen transshekaralyq sý nysandaryn birlesip basqarý jáne utymdy paidalaný jónindegi kelisimge qol qoiyldy.
Úkimet Syrdariia boiyndaǵy sý qoimalarynyń jumys tártibin kórshiles eldermen kelisý Soltústik Aralǵa jiberiletin sý kólemin turaqty saqtaýǵa múmkindik bergenin atap ótti. Bul shara sý az jyldary da teńizge qajetti aǵyndy jetkizýge yqpal etken.
"Syrdariiadaǵy sý qoimalarynyń kelisilgen jumys rejimi Soltústik Aral teńizine, tipti sý az kezeńderde de, turaqty sý aǵynyn qamtamasyz etýge múmkindik beredi. Sonyń nátijesinde teńizdegi sý kólemi 2023 jylǵy 18,4 tekshe shaqyrymnan 23,5 tekshe shaqyrymǵa deiin ósti", – delingen Úkimet habarlamasynda.
Sondai-aq keiingi eki jylda Balqash kóline shamamen 30 tekshe shaqyrym sý quiylǵan. Sonyń arqasynda kóldiń sý deńgeii turaqtanǵan. Qazir Frantsiianyń damý agenttiginiń qoldaýymen Balqash ekojúiesin 2040 jylǵa deiin saqtaýǵa arnalǵan master-jospar ázirlenip jatyr.
Buǵan qosa, Qapshaǵai sý qoimasy úshinshi jyl qatarynan tolyq tolǵan. Al 2024–2025 jyldary Buqtyrma sý qoimasyna jalpy kólemi 58,6 mlrd tekshe metr sý kelgen. Bul sý qoimasyn qaita toltyryp, Ertis ózeniniń aǵysyn turaqty retteýge jaǵdai jasady.
