«Frans press» agenttiginiń tilshisine jaýap bergen Aleksandr Lýkashenko Reseimen tyǵyz qarym-qatynas ornatqandaryna qaramastan LNR, DNR jáne Qyrymdy Belarýs memleketi resmi túrde áli de moiyndamaǵanyn aita kele, dál qazir mundai moiyndaýdyń máni joq ekenin aitypty.
– Dál qazir Belarýstyń LNR, DNR jáne Qyrym resmi túrde moiyndaǵanmen eshteńe ózgermeidi. Eger atalǵan aimaqtardy qalypqa keltirý úshin azyq-túlik, kirpish, tsement qajet bolsa, biz qoldan kelgen kómegimizdi kórsetemiz. Eger bar másele bizdiń moiyndaýmyzǵa tirelip tursa, biz moiyndaimyz. Biraq budan dál qazir eshqandai mán-maǵyna kórip turǵanym joq. Eń bastysy bizder atalaǵan aimaqpen bailanys ornattyq, – dep Lýkashenko,
Óz kezeginde Lýkashenko Belarýs pen atalǵan aýmaqtardaǵy bailanysyn Batys elderi men Ýkrainanyń arasyndaǵy bailanyspen salystyrypty. Batys elderi Ýkrainada soǵys aiaqtalǵannan keiin soǵystan zardap shekken óńirlerdi qalpyna keltirýge kómektesetinin aitqan edi. Lýkashenko da sol siiaqty soǵys aiaqtalǵannan keiin Belarýsiia LNR men DNR-diń qalpyna keltirý jumystaryna qatysatyndaryn ashyq aitypty.
– Batys elderi Ýkraina bólshektep, soǵystan keiin qalpyna keltirýge qol ushyn sozatynyn aitty ǵoi. Bizder de soǵystan keiin Lýgansk men Donbasty qalpyna keltirip, Qyrymǵa kómektesemiz. Óitkeni bizder atalǵan aimaqpen bailanys ornattyq, munymyzdy jasyrǵan emespiz. Búginde bizder Lýgansk men Donbasty, Qyrymdy de-fakty moiyndap otyrmyz. Eger atalǵan aimaqtardy Prezidenttiń buiryǵymen moinydaý kerek bolsa, men ony da isteimin! – dep Lýkashenko «Frans press» agenttiginiń jýarnalistine aityp tastapty.
Qazirgi tańda LNR men DNR-di Resei, Siriia men Soltústik Koreiadan basqa birde-bir el jeke-dara memleket retinde moiyndaǵan emes.
