Parlament palatalarynyń 20 maýsymda ótken birlesken otyrysynda májilis depýtaty Amanjan Jamalov halyqtyń kedei bóligine 100 mlrd teńge bólip berýdi usyndy dep habarlaidy Dalanews.kz Orda.kz-ke siltep.
Qazaqstan úkimeti taýar baǵasyn qymbattatpaý úshin 100 milliard teńgege jýyq qarjy bólgen. Basylym málimetine qaraǵanda, bul somanyń 81 milliard teńgesi saýda jelilerine jeńildetilgen kredit berýge jumsalǵan. 16,8 milliard teńge — turaqtandyrý qoryna arnalǵan.
"Áseri bolmady joq — baǵa ósti. Odan qaita bul aqshany tikelei halyqqa taratyp berý kerek edi, saýda jelilerine emes. Bizde 1 millionǵa jýyq kedei bar. Bárinen kóp muqtaj bolyp otyrǵandar solar.
Eger baǵany toqtata almasańyzdar, halyqtyń ózine tikelei qoldaý kórsetińizder, áleýmettik turǵydan nashar qorǵalǵandarǵa sýbsidiia berińizder. Saýda jelilerine taratqansha, solarǵa berseńizder paidasy kóbirek bolaryna senimdimin", — deidi Jamalov.
Keiingi jyldary Qazaqstan biligi infliatsiia ekpinin toqtatýǵa tyrysyp keledi.
Biyl sáýirde strategiialyq josparlaý jáne reformalar jónindegi agenttiktiń ulttyq statistika biýrosy 2021 jyldyń naýryz aiynan beri azyq-túlik taýarlary 15 paiyzǵa qymbattaǵanyn habarlaǵan.
Ótken aptada Qazaqstan premer-ministri Álihan Smailov, mamyr aiynyń qorytyndysy Qazaqstandaǵy infliatsiianyń jyldyq ekpini 14 paiyzǵa, azyq-túlik infliatsiiasynyń deńgeii 19 paiyzǵa jetkenin habarlaǵan. Ulttyq bank boljamyna qaraǵanda, Qazaqstanda 2022 jyldyń sońyna qarai infliatsiia deńgeii 13-15 paiyz bolýǵa tiis.
https://dalanews.kz/del-qazir/78610-akimder-reytingi-bir-gramota-tapsyry
