Memleket basshysy Úkimetti jańartý boiynsha bir toqtamǵa keldi. Reformalardy batyl júzege asyrý úshin ózine jaýapkershilik alatyn, synnan qoryqpaityn, halyqqa, qoǵamǵa unamaityn sheshimderdi júzege asyra alatyn adam kerek ekeni naqtylandy, dep habarlaidy Dalanews.kz DALA INSIDE arnasyna siltep.
Al qazaqtyń Álihany osy talaptarǵa sai ma? Arna málimetinshe, qazirgi Úkimet basshysy Álihan Smaiylov Qazaqstandy qiyn ýaqyttan aman alyp shyqty. Ol antikrizistik menedjer retinde fýnktsiiasyn jaqsy atqardy.
"Alaida, Smaiylov damý menedjeri emes deidi, sarapshylar. Ol krizisten alyp shyǵa alady. Biraq eldi ary qarai damý jolyna túsirý úshin basqasha oilaityn jańa premer kerek.
Qazaqtyń Álihany ózine tiesili saqtyqpen bolashaǵyn josparlap, oilap qoidy. Ol premer kezinde qatty artyn jyrtpady. Diplomatiiamen, eshkimmen ursyspai jumys istedi. Sebebi, premerlik máńgi emes. Búgin renjitken adamy erteń aldynan shyǵatynyn bildi. Qazaqtyń Álihany osy jaǵynan alǵanda eldiń emes, óz bolashaǵyn kóbirek oilaǵany ras" - deidi Dala Inside derekkózi.
Ne bolsa da, jańa premerge Qazaqstan damýy úshin óz mansabyn konǵa tigip, bárimen julysyp, unamaityn sheshimder qabyldap, "jeksuryn" bolýdan basqa amal qalmai otyr. Áitpese, Qazaqstannyń damýy qiyn.
Toqaev shyn reformator-premer taba ala ma? Alǵashqy signaldy osy sársenbi estimiz. Sol kezde Úkimettiń keńeitilgen otyrysy ótedi.
