İri kólemde alaıaqtyq jasady dep kúdikke ilingen Qazaqstan azamaty Birikken Arab Ámirlikterinen ekstradısıalandy. Ol eki jyl boıy Dýbaıda boı tasalap júrgen, dep habarlaıdy Dalanews.kz.

"Ol 2022–2023 jyldar aralyǵynda Almaty qalasynda Wildberries kompanıasyna ınvestısıa salýǵa shaqyryp, qomaqty syıaqy da ýáde etip, alty azamatty aldap, olardyń aqshalaı qarajatyn ıemdengen. Saldarynan jábirlenýshilerge iri mólsherde materıaldyq zalal keltirilgen. Qylmystardy jasaǵannan keıin kúdikti boı tasalap, eki jyl boıy halyqaralyq izdeýde bolǵan", dep habarlaıdy QR Bas prokýratýrasy.

Ol 2025 jyly sáýirde Birikken Arab Ámirlikteriniń aýmaǵynda ustalyp, Bas prokýratýranyń suraýy boıynsha Qazaqstanǵa ekstradısıalandy.

Qazirgi ýaqytta kúdikti tergeý ızolátorynda. 

Aıyptalǵan qylmystardy jasaǵany úshin múlki tárkilenip, 3 jyldan 7 jylǵa deıin bas bostandyǵynan aıyrý túrindegi jaza kózdeletinin eskerte ketelik.