QMA Mańǵystaý oblysy boiynsha departamenti Áleýmettik meditsinalyq saqtandyrý qorynyń qarajatyn jymqyrý faktisi boiynsha eki jekemenshik klinikanyń basshylyǵyna qatysty tergep-tekserý júrgizýde, dep habarlaidy dalanews.kz.
Tergeý amaldaryna sai, «IBN SINA» jáne «SOFIE MED GROUP» meditsinalyq ortalyqtarynyń laýazymdy tulǵalary er adamdarǵa qoiylǵan «varikotsele» diagnozy boiynsha meditsinalyq qyzmetterdi kodtaý kezinde áielderge arnalǵan joǵary tehnologiialyq operatsiianyń – «kishi jambas aǵzalary men jatyr arteriialary tamyrlarynyń endovaskýliarlyq embolizatsiiasy» qyzmet kodyn kórsetken.
Nátijesinde 200-den astam er adamǵa negizsiz qymbat meditsinalyq qyzmetter rásimdelip, emdeý quny 10 esege deiin ulǵaitylǵan. Sonymen qatar 19 jaǵdaida patsientter atalǵan klinikalarǵa júgingenin múlde rastaǵan joq.
Memleketke keltirilgen zalal somasy 221 mln teńgeden asty. Tergep-tekserý jalǵasýda.
Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariialaýǵa jatpaidy.
