Qazaqstan SIM basshysy "Harvest Group" kompaniiasynyń jetekshilerimen kezdesý ótkizdi, dep habarlaidy Dalanews.kz.
Qazaqstan Respýblikasy premer-ministriniń orynbasary – syrtqy ister ministri Murat Nurtileý "Harvest Group" kompaniiasy direktorlar keńesiniń tóraǵasy Almaz Alsenovpen kezdesý ótkizdi.
Taraptar agro-indýstriialyq klasterdi qurý barysyn talqylady. Alǵashqy kezeńde investitsiialyq joba Jetisý men Almaty oblystaryn qamtyp, 150 myń gektar shalǵaidaǵy jáne tyńaiǵan jerlerdi sýarmaly aýyl sharýashylyǵy alqaptaryna ainaldyrýdy kózdeidi. Jalpy jobany júzege asyrý aiasynda zamanaýi sý únemdeý júielerin qoldana otyryp, 300 myń gektar jerdi igerý josparlanǵan.
Ministr jobany odan ári ilgeriletýdiń mańyzdylyǵyn atap ótip, memleket tarapynan qoldaý kórsetýge daiyn ekenin bildirdi. Sondai-aq, kompaniianyń Qazaqstannyń óńirlerinde týrizm jáne sport salalarynda investitsiialyq jobalardy iske asyrý perspektivalary belgilendi.
SIM basshysy bul jobalardyń ishki jáne kirme týrizm úshin, sonymen qatar, ekonomikany ártaraptandyrý úshin ósý múmkindigine ainalý áleýeti bar ekenin basa aitty.
Eske salaiyq, keshe syrtqy ister ministri Murat Nurtileý men kásipker Gadji Gadjiev ustalǵany týraly qaýeset taraǵan edi.
