«Qalyńdyq» – kópti kúttirgen, kóptiń kókeiindegi suraqtyń jaýaby retinde túsirilip jatqan kino. Fenomenniń anasy film osy jyldyń qyrkúieginde kórermenge jol tartady deidi.
– Kino qyzdardyń taǵdyry, namysy desem bolady. Tolyq aita almaimyn. Biz osy kino úshin túngi saǵat úshke deiin jumys isteimiz. Tańnyń atqanyn kútemiz keide. Qazir qoǵamda tastandy sábi kóp. Aldaityndar kóp. Sol úshinde qyzdardyń namysy joq emes ekenin kórsetý úshin jigitter oilansa degen nietpen túsirip jatyrmyz, – deidi prodiýser-ana.
Biraq Gúlzira Aidarbekova osy kinodan soń kóp syn astynda qalatynyn jasyrmaidy. Óitkeni, kino ómir shyndyǵy jelisinde túsirilgen.
«Bul kino óte jaqsy shyǵady. Men oǵan senemin. Biraq synaq kóp bolady. Men soǵan daiyn bolýym kerek. Óitkeni, kóptegen áńgimeler aitylýy múmkin. Ómirge bailanysty», – deidi Gúlzira Aidarbekova.
Eki ai damylsyz, kúndiz túni túsirilgen filmde Qairat Nurtas basty róldi somdaidy. Ánshi akter bolý ońai emes deidi. Túndegi túsiriliminde Qairat súiiktisin qutqarý úshin qaraqshylarmen arpalysqanyn aitady.
– Men kelip ózimniń qyzymdy izdep júrmin. Meniń qyzymdy urlap ketedi, sony izdep keletin sát. Sol súiiktimdi qutqaramyn. Endi kinonyń barlyǵyn aityp bersem qyzyq bolmai qalady. Biraq, ózim osy kinony qatty kútýdemin, – deidi Qairat Nurtas.
– Qyrkúiek aiynda shyǵady. Demeýshi ózim. Eshkimge táýeldi bolmai, eki aiaǵym eki qolym bar. Shúkir. Allaǵa shúkir jap jaspyz. Jumys istep jatyrmyz. Halyqtyń tilegi halyqtyń berekesimen taýyp jatyrmyz áiteýir, – deidi Nurtastyń Qairaty.
