«قالىڭدىق» – كوپتى كۇتتىرگەن، كوپتىڭ كوكەيىندەگى سۇراقتىڭ جاۋابى رەتىندە ءتۇسىرىلىپ جاتقان كينو. فەنومەننىڭ اناسى فيلم وسى جىلدىڭ قىركۇيەگىندە كورەرمەنگە جول تارتادى دەيدى.
– كينو قىزداردىڭ تاعدىرى، نامىسى دەسەم بولادى. تولىق ايتا المايمىن. ءبىز وسى كينو ءۇشىن تۇنگى ساعات ۇشكە دەيىن جۇمىس ىستەيمىز. تاڭنىڭ اتقانىن كۇتەمىز كەيدە. ءقازىر قوعامدا تاستاندى ءسابي كوپ. الدايتىندار كوپ. سول ۇشىندە قىزداردىڭ نامىسى جوق ەمەس ەكەنىن كورسەتۋ ءۇشىن جىگىتتەر ويلانسا دەگەن نيەتپەن ءتۇسىرىپ جاتىرمىز، – دەيدى پروديۋسەر-انا.
ءبىراق گۇلزيرا ايداربەكوۆا وسى كينودان سوڭ كوپ سىن استىندا قالاتىنىن جاسىرمايدى. ويتكەنى، كينو ءومىر شىندىعى جەلىسىندە تۇسىرىلگەن.
«بۇل كينو وتە جاقسى شىعادى. مەن وعان سەنەمىن. ءبىراق سىناق كوپ بولادى. مەن سوعان دايىن بولۋىم كەرەك. ويتكەنى، كوپتەگەن اڭگىمەلەر ايتىلۋى مۇمكىن. ومىرگە بايلانىستى»، – دەيدى گۇلزيرا ايداربەكوۆا.
ەكى اي دامىلسىز، كۇندىز ءتۇنى تۇسىرىلگەن فيلمدە قايرات نۇرتاس باستى ءرولدى سومدايدى. ءانشى اكتەر بولۋ وڭاي ەمەس دەيدى. تۇندەگى تۇسىرىلىمىندە قايرات سۇيىكتىسىن قۇتقارۋ ءۇشىن قاراقشىلارمەن ارپالىسقانىن ايتادى.
– مەن كەلىپ ءوزىمنىڭ قىزىمدى ىزدەپ ءجۇرمىن. مەنىڭ قىزىمدى ۇرلاپ كەتەدى، سونى ىزدەپ كەلەتىن ءسات. سول سۇيىكتىمدى قۇتقارامىن. ەندى كينونىڭ بارلىعىن ايتىپ بەرسەم قىزىق بولماي قالادى. ءبىراق، ءوزىم وسى كينونى قاتتى كۇتۋدەمىن، – دەيدى قايرات نۇرتاس.
– قىركۇيەك ايىندا شىعادى. دەمەۋشى ءوزىم. ەشكىمگە تاۋەلدى بولماي، ەكى اياعىم ەكى قولىم بار. شۇكىر. اللاعا شۇكىر جاپ جاسپىز. جۇمىس ىستەپ جاتىرمىز. حالىقتىڭ تىلەگى حالىقتىڭ بەرەكەسىمەن تاۋىپ جاتىرمىز ايتەۋىر، – دەيدى نۇرتاستىڭ قايراتى.
