Synai berińder, biraq jeke basyma tiispeńder
Depýtat áleýmettik jelini qoldanýshylardyń keibir jazbasy namysyna tigenin aitty dep habarlady Tengrinews.kz.
«Qudai úshin, bul árkimniń erki… Namysyma nege timeidi? Tiedi, árine. Bastysy, saiasi mádeniettiń bolǵany. Meni synai bersin, biraq jeke basyma tiispesin, qandai da bir ideiasy nemese usynysy men aitqanyna qarap, ol adamnyń ar-namysyna tiisýge bolmaidy. Kelispeýge bolady, árine. Biraq adamdy bilmei turyp, ol týraly aýzyna kelgenin aitýǵa bolmaidy. Bul bizde saiasi mádeniettiń jetkiliksizdigin bildiredi», — dedi Qýanysh Sultanov „QR Táýelsizdigine 25 jyl: Qorytyndylar. Jetistikter„ atty halyqaralyq konferentsiia kezinde jýrnalisterdiń suraǵyna bergen dálizdegi jaýabynda.
Sondai-aq depýtat onyń usynysynyń Parlament bedeline nuqsan keltirdi dep sanamaisyz ba degen tilshi saýalyna da jaýap berdi.
«Bir top depýtat 25 jyl boiyna qol jetkizgen jetistikterimizdi qamtityn deklaratsiiany qabyldaý týraly usynys tastadyq. Dekalaratsiiany eshkim synap-minep jatqan joq, tek synǵa qalǵany — meniń usynysym», — dedi Qýanysh Sultanov.
Eske sala ketelik, aldynda depýtat Qýanysh Sultanov Astanaǵa Nursultan Nazarbaevtyń esimin berý kerek dep ortaǵa usynys tastaǵan bolatyn.
