سىناي بەرٸڭدەر, بٸراق جەكە باسىما تيٸسپەڭدەر
دەپۋتات ەلەۋمەتتٸك جەلٸنٸ قولدانۋشىلاردىڭ كەيبٸر جازباسى نامىسىنا تيگەنٸن ايتتى دەپ حابارلادى Tengrinews.kz.
«قۇداي ٷشٸن, بۇل ەركٸمنٸڭ ەركٸ… نامىسىما نەگە تيمەيدٸ? تيەدٸ, ەرينە. باستىسى, ساياسي مەدەنيەتتٸڭ بولعانى. مەنٸ سىناي بەرسٸن, بٸراق جەكە باسىما تيٸسپەسٸن, قانداي دا بٸر يدەياسى نەمەسە ۇسىنىسى مەن ايتقانىنا قاراپ, ول ادامنىڭ ار-نامىسىنا تيٸسۋگە بولمايدى. كەلٸسپەۋگە بولادى, ەرينە. بٸراق ادامدى بٸلمەي تۇرىپ, ول تۋرالى اۋزىنا كەلگەنٸن ايتۋعا بولمايدى. بۇل بٸزدە ساياسي مەدەنيەتتٸڭ جەتكٸلٸكسٸزدٸگٸن بٸلدٸرەدٸ», — دەدٸ قۋانىش سۇلتانوۆ „قر تەۋەلسٸزدٸگٸنە 25 جىل: قورىتىندىلار. جەتٸستٸكتەر„ اتتى حالىقارالىق كونفەرەنتسييا كەزٸندە جۋرناليستەردٸڭ سۇراعىنا بەرگەن دەلٸزدەگٸ جاۋابىندا.
سونداي-اق دەپۋتات ونىڭ ۇسىنىسىنىڭ پارلامەنت بەدەلٸنە نۇقسان كەلتٸردٸ دەپ سانامايسىز با دەگەن تٸلشٸ ساۋالىنا دا جاۋاپ بەردٸ.
«بٸر توپ دەپۋتات 25 جىل بويىنا قول جەتكٸزگەن جەتٸستٸكتەرٸمٸزدٸ قامتيتىن دەكلاراتسييانى قابىلداۋ تۋرالى ۇسىنىس تاستادىق. دەكالاراتسييانى ەشكٸم سىناپ-مٸنەپ جاتقان جوق, تەك سىنعا قالعانى — مەنٸڭ ۇسىنىسىم», — دەدٸ قۋانىش سۇلتانوۆ.
ەسكە سالا كەتەلٸك, الدىندا دەپۋتات قۋانىش سۇلتانوۆ استاناعا نۇرسۇلتان نازارباەۆتىڭ ەسٸمٸن بەرۋ كەرەك دەپ ورتاعا ۇسىنىس تاستاعان بولاتىن.
