Qazaqstannyń Syrtqy ister ministrligi fýtboldan álem chempionatyna barýdy josparlap otyrǵan qazaqstandyqtarǵa qaýipsizdik sharalaryn saqtaýǵa keńes berdi, dep habarlaidy dalanews.kz.
SIM resmi ókili Erlan Jetibaev jankúierlerge ózimen birge jeke qujattaryn nemese olardyń kóshirmelerin alyp júrýdi, sondai-aq jergilikti quqyq qorǵaý organdarynyń talaptaryn oryndaýdy usyndy.
Sonymen qatar qazaqstandyqtarǵa sapar baǵytyn aldyn ala josparlap, tek resmi servisterdi paidalaný jáne ruqsat etilmegen kópshilik jinalǵan oryndardan aýlaq bolý usynyldy.
Migratsiialyq talaptardy saqtaý qajet
Erlan Jetibaev qabyldaýshy elderdiń kóshi-qon zańnamasy men vizalyq talaptaryn qatań saqtaý mańyzdy ekenin erekshe atap ótti. Onyń aitýynsha, tótenshe jaǵdailar týyndaǵan jaǵdaida jergilikti jedel qyzmetterge jáne Qazaqstannyń konsýldyq mekemelerine júginý qajet.
Sonymen birge SIM ázirge álem chempionaty matchtaryna qansha qazaqstandyq jankúier baratyny týraly naqty málimet joq ekenin málimdedi. Fýtboldan 2026 jylǵy álem chempionaty 11 maýsym men 19 shilde aralyǵynda AQSh, Kanada jáne Meksikada ótedi.
