Shieli aýdanynyń ortalyǵynda ornalasqan №127 mektep-litseiinde oqýshylar tóbelesken, dep habarlaidy Dalanews.kz.
Qyzylorda oblystyq densaýlyq saqtaý basqarmasynyń málimdeýinshe, Shieli aýdanynda 5 qazanda mektepte oqýshylar arasynda tóbeles oryn alǵan.
"Nátijesinde bir jasóspirim Shieli aýdandyq kóp beiindi ortalyq aýrýhanasyna jatqyzylǵan. Búgingi kúni bala qanaǵattanarlyq jaǵdaida úiine shyǵarylǵan. Naýqastyń aýrýhanaǵa jaraqatpen túskendigi ishki ister organyna habarlandy", - dep habarlady basqarma.
Qyzylorda oblysy Politsiia departamenti atalǵan derek boiynsha is qozǵalǵanyn málimdedi.
"Shieli aýdandyq politsiia bólimi QR Qylmystyq kodeksiniń 293-babynyń 3-bóligimen (pyshaqtardy, kastetterdi jáne ózge de sýyq qarýdy qoldaný) qylmystyq is tirkep, tergep-tekserý júrgizýde", - delingen departamenttiń aqparatynda.
Aita keteiik, oqýshylar arasyndaǵy tóbeles Shieli aýdanynda birinshi ret bolyp turǵan joq. Biyl mamyr aiynda Sh.Qodamanov aýylynda joǵary synyp oqýshylary ózderinen kishi balalarǵa «amandaspaǵany» úshin álimjettik kórsetip, olardy uryp-soqqan. Saldarynan 9 synyp oqýshysy oqiǵa ornynda kóz jumǵan bolatyn. Bul is boiynsha úkim shyqty. Kinálilerdiń biri 6,8 jylǵa bas bostandyǵynan aiyryldy.
