Shveitsariia Qazaqstannan zańsyz shyǵarylǵan aktivterdi qaitarýǵa kómektesetin bolady. Eki el arasynda osyndai kelisimge qol jetkizildi, dep habarlaidy Dalanews.kz.
"2024 jyly 5 qarashada QR Bas prokýrory Berik Asylovtyń Bern qalasyna (Shveitsariia) jasaǵan sapary barysynda Shveitsariianyń Bas prokýrory Shtefan Blattlermen jáne Shveitsariianyń Federaldyq ádilet ofisi direktorynyń orynbasary Lorens Fontana Iýngomen kelissózder júrgizildi. Taraptar qylmystyq ister boiynsha halyqaralyq quqyqtyq yntymaqtastyqtyń jáne zańsyz aktivterdi qaitarýdyń tetikteriniń tiimdiligin arttyrýdyń ózekti máselelerin talqylady", delingen habarlamada.
Qadaǵalaý vedomstvosynyń basshysy QR Prezidenti Qasym-Jomart Toqaev bastaǵan reformalar, 2023 jylǵy shildede qabyldanǵan zańsyz shyǵarylǵan aktivterdi memleketke qaitarý týraly zań, Qazaqstannyń Bas prokýratýra janynda tiisti komitettiń, sondai-aq qaitarylǵan qarajatty áleýmettik-ekonomikalyq mańyzdy jobalardy qarjylandyrý úshin bóletin arnaiy qordyń qurylýy jáne 2022 jyldan beri Qazaqstanǵa 3,5 milliardtan astam dollar qaitarylǵany týraly aitty.
Qazaqstannyń Bas prokýrory sheteldik, sonyń ishinde shveitsariialyq investorlardy quqyqtyq qorǵaýdyń mańyzdylyǵyn atap ótip, bul eki el arasyndaǵy ekonomikalyq yntymaqtastyqty nyǵaitýǵa yqpal etetinin jetkizdi.
Bas prokýror Blattler men Direktordyń orynbasary Fontana Iýngo Qazaqstanǵa zańsyz shyǵarylǵan aktivterdi qaitarý jáne halyqaralyq yntymaqtastyqty odan ári damytý máselelerinde qoldaý kórsetýge daiyn ekendikterin rastady. Shveitsariia Ádilet basqarmasynyń ókilderi Qazaqstannyń qylmystyq ister boiynsha ózara quqyqtyq kómek týraly Eýropalyq konventsiiaǵa qosylýǵa degen umtylysyn qoldady.
Sapardyń qorytyndysy boiynsha taraptar qylmystyq ister boiynsha ózara quqyqtyq kómek kórsetý týraly ózara túsinistik týraly úkimetaralyq Memorandýmǵa qol qoidy. Qujatqa Qazaqstannyń Úkimeti atynan Bas Prokýror, al Shveitsariia Úkimeti atynan Federaldyq ádilet basqarmasy Direktorynyń orynbasary qol qoidy.
Memorandým eki eldiń qylmystyq ister boiynsha dáleldemeler men aqparat almasý, sonyń ishinde zańsyz shyǵarylǵan aktivterdi qaitarý rásimderin jedeldetýge degen umtylysyn kórsetedi. Shveitsariia Bas prokýrorynyń pikirinshe, bul qujatqa qol qoiý elder arasyndaǵy seriktestikti aitarlyqtai kúsheitip, qarjylyq qylmystarmen kúrestegi birlesken kúsh-jigerdi nyǵaitady.
