Shýchinsk qalasynda bes qabatty turǵyn úige tirkelgen bir qabatty dámhanada gaz aýa qospasy jarylyp, órt shyqty, dep habarlaidy Dalanews.kz.
Aqmola oblysy ákimdigi málimetinshe, barlyǵy 26 adam zardap shekken, sonyń ishinde 7 adam qaza tapqan (onyń biri - 16 jastaǵy qyz). 13 adam Býrabai aýdandyq aýrýhanasyna, 6 adam ambýlatoriialyq baqylaýǵa jiberilgen.
"Densaýlyq saqtaý basqarmasy qosymsha meditsinalyq brigadalardy jedel túrde jasaqtady. Barlyq resýrs jumyldyryldy: mamandar, dári-dármekter, sanitariia aviatsiiasy oqiǵa ornyna baǵyttaldy. Oqiǵa ornynda oblystyq jedel shtab jumys istep jatyr. Oqiǵanyń sebepteri anyqtalyp jatyr", - dep jazylǵan habarlamada.
Zardap shekken bes adam TJM reanimobilimen Kókshetaý qalasyna jetkizilgen.
