– Oqý jylynyń uzaqtyǵy 36 aptadan 34 aptaǵa deiin qysqardy. Pandemiiadan keiin biz oqýshylardyń bilimindegi olqylyqtardy qalpyna keltirý úshin uzaq ýaqyt jumys istedik. Endi biz bilim sapasyna nuqsan keltirmesten keibir pánder boiynsha baǵdarlamany qysqartý týraly aityp otyrmyz, – dedi Innesa Aleksandrovna. – Oqý jyly 25 mamyrda aiaqtalady. Demalys merzimi áli bekitilgen joq.
Muǵalimderdi attestattaý rásimi ózgeredi. Testileý tek beiindik pán boiynsha júrgiziledi.
– Bilim salasyndaǵy eńbek ótili 30 jyl jáne odan da kóp muǵalimder "Eńbek ardagerleri" medalimen marapattalady. Árbir muǵalim jas urpaqty tárbieleýge arnaǵan eńbegi úshin laiyqty baǵasyn alý kerek, – dep qosty ol.
Mektep direktorlary laýazymyna kadrlardyń jetispeýshiligi máselesi áli de ózekti bolyp otyr. Ony sheshý úshin prezidenttik kadrlyq rezerv mysalynda "Bilim berýdegi ózgeristiń 1000 kóshbasshysy" jobasy iske qosyldy.
Qyrkúiek aiynda mektepke deiingi mekemelerdegi tárbieshilerdiń jalaqysy 30%-ǵa ulǵaiady.
– ShQO-da alǵash ret 259 aýyl mektepteriniń oqýshylary úshin respýblikalyq pándik olimpiada ótkiziledi. Kolledj stýdentteri úshin jaǵymdy jańalyq bar. Olarǵa tólenetin shákirtaqy kezeń-kezeńimen eki esege ulǵaiady, – dep atap ótti Bilim basqarmasynyń basshysy.
Oqý jylynyń qarsańynda Sanitarlyq-epidemiologiialyq baqylaý departamenti óńirdegi mektepterge monitoring júrgizdi.
Jalpy, Departament ókili Baqyt Dyrymbaeva atap ótkendei, barlyq bilim berý nysandarynda oqýshylardyń qaýipsiz jaǵdaida oqýyna jáne jeke gigienalarynyń saqtalýyna jaǵdailar jasalǵan.
