– 2023 jyly aýyl sharýashylyǵy óniminiń jalpy shyǵarylymyn 584,3 mlrd teńgege deiin jetkizý josparlanýda. Boljamǵa sáikes, biyl aýyl sharýashylyǵy daqyldarynyń egis alqaby 653,1 myń gektardy quraidy, bul ótken jylǵy deńgeiden 10,7 myń gektarǵa artyq. Mal sharýashylyǵynda tiri salmaqtaǵy et óndirý kólemin 158 myń tonna, – dedi Ramil Saǵandyqov.
Aǵymdaǵy jyly 2023 jyly Pavlodar munai óńdeý zaýytynan kóktemgi dala jumystaryna 20 myń tonna jáne mal azyǵyn daiyndaýǵa 5 myń tonna arzandatylǵan dizel bólindi. Bólingen kólemder oblys fermerleriniń qajettiligin tolyǵymen jabady.
– Sonymen qatar, biyl "Agrarlyq nesie korporatsiiasy" AQ ShQF arqyly óńirdiń aýyl sharýashylyǵy qurylymdary úshin 8 mlrd teńge nesie qarajatyn, onyń ishinde "Keń dala" baǵdarlamasy boiynsha kóktemgi egis jumystaryn júrgizýge 1 mlrd teńge berý josparlanýda, – dep tolyqtyrdy spiker.
Biylǵy jyly Soltústik Qazaqstan oblysynyń AÓK-tiń iri investitsiialyq jobalaryn qarjylandyrý boiynsha tájiribesin tirajdaý aiasynda sút mal sharýashylyǵynda sút-taýar fermalaryn salý jáne rekonstrýktsiialaý boiynsha 6 jobany iske asyrý josparlanǵanyn atap ótti. Ol úshin ShQO úshin respýblikalyq biýdjet qarajatynan 10 mlrd teńge bólý josparlanýda. Oblys boiynsha jobalardy iske asyrý kezinde sút-taýar fermalarynyń sút óndirý kólemi jylyna 47,5 myń tonnaǵa ulǵaiady, bul kelesi jyly jergilikti sút óńdeý kásiporyndarynyń júktemesin 65% - ǵa deiin jetkizýge múmkindik beredi.
– 2023 jyldan bastap oblysta "Aýyl amanaty" halyqtyń tabysyn arttyrý baǵdarlamasyn iske asyrý josparlanýda. 2023 jylǵa arnalǵan baǵdarlama sheńberinde aýyl halqyna 1,5 mlrd teńgege kredit berý kózdelgen. Baǵdarlamanyń negizgi maqsaty aýyl sharýashylyǵy taýaryn óndirýshilerdi jan - jaqty qoldaý, aýyl turǵyndaryn agrarlyq bizneske barynsha tartý, azyq-túlik qaýipsizdigine jáne azamattardyń ómir súrý sapasyn jaqsartýǵa bailanysty máselelerdi sheshý, – dep túsindirdi R.Saǵandyqov.
Baspasóz máslihatynyń sońynda AShB basshysynyń m.a. aǵymdaǵy jyly 64 jumys ornyn qurýmen 57,1 mlrd teńgege 9 jobany iske asyrý josparlanǵanyn aitty.
