Oblystyq jastar resýrstyq ortalyǵynda uiymdastyrylǵan sharaǵa D.Serikbaev atyndaǵy ShQTÝ stýdentteri qatysyp, óz pikirlerin ortaǵa saldy, dep habarlaidy Dalanews.kz.
"Jastar ENERGY" qozǵalysynyń maqsaty – jas urpaqty “jasyl energetikanyń” jáne álemdegi atom energetikasynyń artyqshylyqtary men kemshilikteri týraly aqparattandyrý.
“Memleket basshysy Qasym-Jomart Toqaev biylǵy Qazaqstan halqyna joldaýynda da atom elektr stantsiiasyn salýdyń artyqshylyqtary týraly atap kórsetti. Biz aldaǵy ýaqytta jastardan bólek, ózge uiym ókilderimen de kezdesip, osy taqyrypta túsindirý jumystaryna júrgizýdi josparlap otyrmyz”, - deidi bastamashyl toptyń jetekshisi Leonid Ysmaiylov.
Kezdesý sońynda Arbatta viktorinalar men qyzyqty oiyndar, saýalnamalar uiymdastyryldy. Uiymdastyrýshylar mundai formatta sharalar ótkizý turǵyndardyń qyzyǵýshylyǵyn oiatady degen pikirde.
“Qala turǵyndary bolashaqta atom energetikasynyń arqasynda ekologiia jaqsaryp, atomdy beibit maqsatta paidalaný perspektivalarynan habardar bolý úshin de adam kóp júretin demalys ornynda osyndai qyzyqty shara ótkizýge sheshim qabyldady”, - dep atap ótti uiymdastyrýshylar.
Esterińizge sala keteiik, AES salý máselesine qatysty jalpyulttyq referendým 6 qazan kúni ótedi.
