ShQO-ǵy "Halifa Altai" meshitinde elimizdiń Prezidenti atynan Aýyzashar berildi
Halifa Altai meshitinde Prezidentimiz Qasym-Jomart Kemeluly Toqaevtyń atynan dastarhan jaiylyp, aýyzashar berildi. Bul Oraza ustaǵan barsha aǵaiynǵa kórsetilgen airyqsha yqylas hám qurmet.Memleket basshysy aityp ótkendei, islam dini el birligin jáne qoǵam tynyshtyǵyn saqtaý jolynda mańyzdy ról atqaryp keledi. "Adamzattyń bárin súi baýyrym" dep úndegen Hakim Abai Qunanbaiuly Islam qundylyqtaryn jetik bilip, Oraza ustap, ózge dinderge qurmetpen qaraǵan. Al, onynshy qara sózinde «Ǵylymsyz oqyǵan namaz, tutqan oraza, qylǵan haj, eshbir ǵibadat ornyna barmaidy» - dep kórsetedi. Dana Abaidyń bul ósieti imandylyqty, ǵylym-bilimmen qatar alyp júrý kerektigin túsindiredi",-dedi oblys ákimi D.Ahmetov. Oraza aiy - jaqsylyq pen meiirimdilik, baýyrmaldyq pen janashyrlyq kórinisi. Al Halifa Altai" meshitinde Prezident atynan berilgen aýyzasharda oblys ákimi jinalǵan jandarǵa igi tilegin bildirdi. "Rýhaniiat pen adamgershilikti ǵylym men bilimmen ushtastyra otyryp, biz etnosaralyq jáne konfessiiaaralyq birlik pen ózara túsinistikti nyǵaita alamyz. Qasietti Ramazan aiynyń ár kúni sizge jáne Sizdiń jaqyndaryńyzǵa meiirimdilik pen izgilik ákelsin. Barshamyzdy rýhani jańaryp, qanaǵatshyl, qaiyrymdy jáne keshirimdi bolýǵa shaqyratyn Ramazan aiy qutty bolsyn! Qasietti aida Sizderge kúsh-jiger, yntymaq pen mol tabys, zor densaýlyq tileimin! Elimizdiń birligi men yntymaǵy arta bersin!Oraza qabyl bolsyn!",- dedi is-shara barysynda Shyǵys Qazaqstan oblysynyń ákimi Danial Ahmetov. Aýyzashar aldynda shaqyrylǵandar adamdar, qulshylyq ordasyndaǵy ázirge Qazaqstandaǵy jalǵyz islam mádenieti murajaiyndaǵy biregei kitaptarmen jáne qoljazbalarmen tanysty. Murajai zamanaýi IT-tehnologiialarmen jabdyqtalǵan. Aita keteiik, aýyzashar El Prezidentiniń atynan Qazaqstannyń barlyq óńirlerinde uiymdastyrylǵan bolatyn. Biylǵy jyly búkil álemdegi musylmandar úshin qasietti Ramazan aiy 29 kúnge sozylady, 23 naýryzdan 20 sáýirge deiin. Sáýirdiń 17-sinen 18-ine qaraǵan túni-Qadyr túni. 21 sáýirde oraza aity bastalady.
