24 tamyzda SHQO Densaýlyq saqtaý basqarmasynyń qoımasyna Ýkraına jáne Germanıa memleketterinen gýmanıtarlyq kómek retinde 720 dana medısınalyq betperde, 6 dana Ibýprofen (600 mg), 1 dana Ibýprofen Atıd (600 mg), 170 dana Meropenem-Vısta, 3240 dana Levofloksasın-Novofarm preparattary jáne QR Sybaılas jemqorlyqqa qarsy is-qımyl agenttiginiń 2 dana ottegi konsentratory jetkizildi, dep habarlaıdy Dalanews.kz. 

Ózderińiz biletindeı, Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) qyzmetkerleri medısınalyq uıymdarǵa qaıyrymdylyq kómek kórsetý úshin shamamen 27 mln.teńge qarajat jınady. Agenttik qyzmetkerleri koronavırýstyń taralýyna qarsy kúreske kómek retinde bir kúndik jalaqyny aýdarýǵa sheshim qabyldady. Jınalǵan qarajatqa 25 ottegi konsentratory satyp alyndy, olar óńirler arasynda teń bólinedi. Ónimdiligi mınýtyna 10 lıtrge deıingi apparattar tynys alý joldarynyń asa aýyr aýrýlaryn emdeýde qoldanylady.

"Árbir uıym áleýmettik jaýapty bolýy tıis. Qoǵam aldyndaǵy áleýmettik jaýapkershiligimizdiń dárejesin túsine otyryp, biz aýrýhanalarǵa ottegi konsentratorlaryn satyp alý úshin bir kúndik jalaqylarymyzdy aýdarý mańyzdy jáne qajet dep eseptedik. Sol arqyly SOVID-pen qarsy kúreske janashyrlyq tanytamyz", - dedi Agenttik tóraǵasy A. Shpekbaev.

Agenttiktiń aýmaqtyq bólimsheleri "Shyǵys – Adaldyq alańy" jobalyq keńsesiniń ókilderimen birlesip júkti sońǵy tutynýshyǵa deıin jetkizýdi qamtamasyz etedi. Gýmanıtarlyq taýardy maqsatsyz paıdalaný táýekelin boldyrmaý úshin barlyq kelip túsken dári-dármekter men buıymdar "Gýmanıtarlyq kómek – TEGİN" arnaıy mórtańbasymen tańbalanýda.

Osy oraıda búgin "Shyǵys – Adaldyq alańy" jobalyq keńsesiniń jetekshisi M. Bahyt qoımaǵa kelgen medısınalyq zattarǵa monıtorıń júrgizdi.

Aımaqtyq departament pen jobalyq keńse qyzmetkerleri elge kelip túsetin barlyq gýmanıtarlyq kómekti bólýde ashyq baqylaý prosesin jolǵa qoıǵan jáne osy baǵytta jumys jalǵasatyn bolady.