ShQO-ǵa Qytaidan gýmanitarlyq júk keldi
Týrizm jáne syrtqy bailanystar basqarmasynyń málimetinshe, aimaqqa 3 myń qorǵanys kiimi, 6 myń meditsinalyq maska, 63 myń hirýrgiialyq qolǵap, 10 myń jup meditsinalyq qolǵap ákelingen.
Jetkizilgen júk Shyǵys Qazaqstannyń aldyńǵy qatarda jumys isteitin meditsina qyzmetkerleri úshin koronavirýstan JQQ-nyń eki ailyq qoryn qamtamasyz etýge múmkindik beredi.
QHR ShUAR Tachen okrýginiń úkimeti Shyǵys Qazaqstan oblysynyń turǵyndaryna qaýipti indetke qarsy kúreste jeńiske jetip, qalypty ómirge tezirek oralýǵa tilek bildirdi.
Qazirgi ýaqytta gýmanitarlyq kómek tiisti qoimaǵa jetkizildi. Aldaǵy ýaqytta oblystyń meditsinalyq mekemelerine taratylatyn bolady.
