Aıta keteıik, aýrýhanalardy jabdyqtaý jáne joǵary tehnologıalyq standarttarǵa saı zamanaýı ortalyqtardy ashý boıynsha keshendi jumys birneshe jyldan beri júrgizilip keledi.
Ortalyq komýnıkasıalar qyzmetinde ótken brıfıńte oblys ákimi Danıal Ahmetov, sońǵy bes jylda úsh myńnan astam tehnıka men zamanaýı jabdyq satyp alynǵanyn málimdedi. Jedel járdem parki 216 kólikke kóbeıgen.
Bıylǵy jyly Semeıde ıadrolyq medısına jáne onkologıa ortalyǵynyń ashylýy medısana salasynda úlken jańalyq boldy. Onda eldegi alǵashqy Radıonýklıdtik terapıa bólimshesiniń bazasynda 120 pasıent emdelip, 380 naýqas dıagnostıkalyq zertteýlerden ótti.
Aıagóz ben Altaıda ashylǵan ınsýlt ortalyqtary oblystyq aýrýhanalarǵa barmaı-aq, jergilikti jerlerde der kezinde ýaqytty únemdeý arqyly bilikti mamandardyń kómegine júginýge múmkindikberetin medısınalyq mekeme.
– Bizdiń dárigerler shetel klınıkalarynda onkologıa, kardıologıa jáne kardıohırýrgıa, ınsýlt ortalyqtary, neırohırýrgıa, medısınalyq ońaltý, akýsherlik jáne gınekologıa sıaqty basym baǵyttar boıynsha bilim alýda, – dedi Danıal Ahmetov.
Aımaq basshysy atap ótkendeı, bıyl Reseı, Izraıl jáne Polshanyń jetekshi aýrýhanalaryna 60 maman biliktiligin arttyrýǵa attandy.
