ShQO «EKSPO-2017» kórmesine 140 joba usynyp, olardy iske asyrýda
Shyǵys Qazaqstan oblysy ákimi Danial Ahmetov jýrnalistermen kezdesýinde jaqyn bolashaqta respýblika turǵyndary Shyǵysta óndirilgen elektr qýatyn ózindik quny boiynsha tutyna bastaitynyn alǵa tartty. Bul qýat kózin joǵary deńgeide únemdeýge múmkindik beretin "Elektrbeldeý – Ortalyq ShQ" jobasy aiaqtalǵannan keiin iske asýy múmkin. Shyǵys Qazaqstan oblysy aýmaǵynda halyqty arzan qýat kózimen qamtamasyz etetin budan basqa da jobalar iske asyp jatqanyn oblys basshysy alǵa tartty.
– Kún energiiasy boiynsha mańyzdy "Jańǵyz solar" jobasy qazirgi tańda júzege asyp jatyr. Bul baǵytta bizder Ispaniianyń ARESOL kompaniiasymen tize qosyp, jumys istep jatqan jaiymyz bar. Sheteldik investormen áriptestik baǵytta iske asyp jatqan joba aiaqtalǵanda 35 MVt qýat kózin óndirýge múmkindik beredi, – dedi oblys ákimi Danial Ahmetov.
Budan basqa jel energiiasyn damytý baǵyty boiynsha qýaty 62,5 MVt bolatyn eki jobanyń múmkindigin 200 MVt-qa deiin ulǵaitý baǵytynda qarqyndy jumystar júrip jatqanyn atap aitýǵa bolady. Jelden qýat kózin óndiretin nysandar Jarma aýdanynda ornalasqan. Birinshi jobany iske asyrýǵa "VEÝ Shar" JShS usynys jasaǵannan keiin oblystyq ákimdik seriktestikke 33 gektar jer telimin bergen. Jobanyń jalpy quny 68 mln. dollardy quraidy. Al ekinshi jel qalaqshalaryn turǵyzýǵa baǵyttalǵan jobany quny 18 mlrd. teńgeni quraidy. Atalǵan jobalar aldaǵy jyldyń ekinshi jarty jyldyǵynda aiaqtalady dep josparlanýda.
– Biz úshin gidroenergetika salasyn damytýdyń da mańyzy zor. Bul sala boiynsha óńirde naqty jumystar júrip jatyr. Aitalyq, "Turǵysyn GES-1" jobasy tabysty iske asýda. Qazirgi tańda gidrotehnikalyq nysannyń sý jinaityn qoimasy tolyqtai aiaqtalǵan. Jobanyń bas merdigeri "Qytaidyń memlekettik sý energetikasy kompaniiasy" bolyp tabylady. Bul jobaǵa memlekettik saraptaý jumystary júrgizilgen. Osylaisha oblysymyzda "EKSPO-2017" kóremesinde basty taqyrypqa ainalǵan "jasyl ekonomika" boiynsha 5 joba iske asýda. Bolashaqta olardyń qatary ózge de jobalarmen tolyǵa túsetine senimdimin, – dedi Shyǵys Qazaqstan oblysy ákimi Danial Ahmetov.
