Endi Óskemen jáne Semei qalalarynyń turǵyndary jyljymaityn múlikke quqyqtardy (aýyrtpalyqtardy) memlekettik tirkeý boiynsha qujattarǵa, jer ýchaskelerine aktilerge, apostildengen bilim týraly qujattarǵa, muraǵattyq anyqtamalarǵa, áskeri biletterdiń telnusqalaryna jáne basqa da daiyn qujattarǵa, barlyǵy eki júzge jýyq memlekettik qyzmet túri boiynsha tapsyrys bere alady.
Buryn tapsyrys berilgen qujat daiyn bolǵan sátte klient jetkizý servisin paidalaný usynysymen SMS-habarlama alady. Kelisken jaǵdaida klient jeke silteme boiynsha ótip, jetkizý mekenjaiyn toltyrady. Odan ári klient qala sheginde jetkizý qunyn tóleýi qajet – 970 teńge. Kýrer poshtany tapsyrys berilgen sátten bastap bir jumys kúni ishinde jetkizedi.
«Men jańalyqtyń ásirese, HQO-qa qaita kelýge ýaqyty joq klientter úshin jaǵymdy ekenine senimdimin. Halyqqa qyzmet kórsetý ortalyǵyndaǵy qyzmet kórsetý protsesi barynsha yńǵaily bolý úshin ǵana emes, daiyn qujatqa qaita-qaita kelýdiń qajeti bolmas úshin biz qosymsha qyzmetterdi jasap jatyrmyz. Osyǵan sáikes, men barlyǵyna daiyn qujattardy jetkizý boiynsha bizdiń jańa servisti qoldanyp kórýdi usynamyn», - dedi «Azamattarǵa arnalǵan úkimet» ShQO boiynsha filialy direktorynyń orynbasary Rýslan Kibke.
Esterińizge sala keteiik, 2021 jyldyń sáýir aiynda "Azamattarǵa arnalǵan úkimet" memlekettik korporatsiiasy Nur-sultan, Almaty jáne Shymkent qalalarynda daiyn qujattardy jetkizý qyzmetin iske qosty. Endi qyzmet Qazaqstannyń barlyq óńirlerinde iske qosylady.
