Qala ákimdiginiń málimetine súiensek, utys oiyny COVID-19 infektsiiasyna qarsy «Pfizer» vaktsinasynyń I komponentin 15 qarasha men 29 jeltoqsan aralyǵynda saldyrǵan balalar men jasóspirimder arasynda ótkiziledi.
Qatysýshylar Iphone13 uialy telefonyn, AirPods qulaqqabyn, AppleWatch smart saǵatyn utyp alyp, oqý úlgerimi jaqsy bolǵan jaǵdaida S.Amanjolov atyndaǵy ShQÝ, Qazaqstan-Amerikandyq erkin ýniversitetine jáne ShQTÝ kolledjine grantqa oqýǵa qabyldanady.
«Utys oiynyna qatysý úshin vaccine-uk.kz saityna kirip, tolyq aty-jónińizdi, uialy telefon nómirińizdi jáne vaktsina alǵan jerdi kórsetýińiz kerek. Talap boiynsha qatysýshy Óskemendegi emhanalardyń birine tirkelgen bolýy shart. Jeńimpaz 30 jeltoqsanda saǵat 18.00-de áleýmettik jelidegi tikelei efirde anyqtalady», - delingen aqparatta.
Buǵan deiin Shyǵys Qazaqstan óńirine 11 qarashada bastap Comirnaty/Pfizer vaktsinasynyń 35 100 dozasy jetkizilip, 14 qarashadan bastap atalǵan preparatpen vaktsinatsiialaý bastalǵanyn habarlaǵanbyz.
ShQO Densaýlyq saqtaý basqarmasynyń málimeti boiynsha, búgingi kúni oblys boiynsha 12 jastan 18 jasqa deiingi jasóspirimder, júktiligi 16-37 apta aralyǵyndaǵy áielder, bala emizetin áiel sanattaryndaǵy 52 770 adam Pfizer vaktsinasymen ekpe aldy.
Olardyń 48 myńnan astamy – jasóspirimder, 1 100-ge jýyǵy júkti jáne 3700-den astamy bala emizetin áielder. Vaktsinanyń ekinshi komponentimen 6 400 adam vaktsinatsiialandy.
Atap óteiik, 12-den 18 jasqa deiingi balalardy vaktsinalaý tek qana ata-anasynyń neme jasóspirimniń zańdy ókilderiniń resmi ruqsaty arqyly júrgizilýde.
\
