قالا اكىمدىگىنىڭ مالىمەتىنە سۇيەنسەك، ۇتىس ويىنى COVID-19 ينفەكسياسىنا قارسى «Pfizer» ۆاكسيناسىنىڭ I كومپونەنتىن 15 قاراشا مەن 29 جەلتوقسان ارالىعىندا سالدىرعان بالالار مەن جاسوسپىرىمدەر اراسىندا وتكىزىلەدى.
قاتىسۋشىلار Iphone13 ۇيالى تەلەفونىن، AirPods قۇلاققابىن، AppleWatch سمارت ساعاتىن ۇتىپ الىپ، وقۋ ۇلگەرىمى جاقسى بولعان جاعدايدا س.امانجولوۆ اتىنداعى شقۋ، قازاقستان-امەريكاندىق ەركىن ۋنيۆەرسيتەتىنە جانە شقتۋ كوللەدجىنە گرانتقا وقۋعا قابىلدانادى.
«ۇتىس ويىنىنا قاتىسۋ ءۇشىن vaccine-uk.kz سايتىنا كىرىپ، تولىق ءاتى-جونىڭىزدى، ۇيالى تەلەفون ءنومىرىڭىزدى جانە ۆاكسينا العان جەردى كورسەتۋىڭىز كەرەك. تالاپ بويىنشا قاتىسۋشى وسكەمەندەگى ەمحانالاردىڭ بىرىنە تىركەلگەن بولۋى شارت. جەڭىمپاز 30 جەلتوقساندا ساعات 18.00-دە الەۋمەتتىك جەلىدەگى تىكەلەي ەفيردە انىقتالادى»، - دەلىنگەن اقپاراتتا.
بۇعان دەيىن شىعىس قازاقستان وڭىرىنە 11 قاراشادا باستاپ Comirnaty/Pfizer ۆاكسيناسىنىڭ 35 100 دوزاسى جەتكىزىلىپ، 14 قاراشادان باستاپ اتالعان پرەپاراتپەن ۆاكسيناسيالاۋ باستالعانىن حابارلاعانبىز.
شقو دەنساۋلىق ساقتاۋ باسقارماسىنىڭ مالىمەتى بويىنشا، بۇگىنگى كۇنى وبلىس بويىنشا 12 جاستان 18 جاسقا دەيىنگى جاسوسپىرىمدەر، جۇكتىلىگى 16-37 اپتا ارالىعىنداعى ايەلدەر، بالا ەمىزەتىن ايەل ساناتتارىنداعى 52 770 ادام Pfizer ۆاكسيناسىمەن ەكپە الدى.
ولاردىڭ 48 مىڭنان استامى – جاسوسپىرىمدەر، 1 100-گە جۋىعى جۇكتى جانە 3700-دەن استامى بالا ەمىزەتىن ايەلدەر. ۆاكسينانىڭ ەكىنشى كومپونەنتىمەن 6 400 ادام ۆاكسيناسيالاندى.
اتاپ وتەيىك، 12-دەن 18 جاسقا دەيىنگى بالالاردى ۆاكسينالاۋ تەك قانا اتا-اناسىنىڭ نەمە ءجاسوسپىرىمنىڭ زاڭدى وكىلدەرىنىڭ رەسمي رۇقساتى ارقىلى جۇرگىزىلۋدە.
\
