Jylytý kezeńi qarsańynda memlekettik órt baqylaý basqarmasynyń qyzmetkerleri halyqqa peshti qys mezgiline qalaı daıyndaý kerektigin jáne kómirtegi totyǵymen ýlanýdyń aldyn alý jaıly keńirek aıtyp ótti.
– TJ departamenti 2023 jylǵy shildeden bastap 2023-2024 jyldary jylytý maýsymyna daıyndyq jumystaryn bastady. Jumystyń negizgi baǵyty órtter, adam ólimi, onyń ishinde jeke turǵyn úılerde turatyn halyqtyń áleýmettik osal toptary arasynda oqys jaǵdaıdyń aldyn alýǵa jáne azaıtýǵa baǵyttalǵan.
SHQO aýmaǵynda azamattardyń áleýmettik osal sanaty turatyn peshpen jylytylatyn 3574 úı bar. Qazirgi ýaqytta azamattyq qorǵaý organdarynyń qyzmetkerleri jergilikti atqarýshy organdarmen birlesip, osy adresattardyń 91 paıyzyn aralap shyqty, olardyń barysynda úılerdi órt qaýipsizdigi talaptarynyń buzylýyn anyqtaý úshin tekserdi, – dedi SHQO TJD MÓBB bas mamany Medet Muqashev.
Qyzmetkerler barǵan áleýmettik osal azamattardyń 2873 úıinen órt qaýipsizdigi talaptaryn buza otyryp paıdalanylatyn 535 úı anyqtaldy.
TJ qyzmetiniń mamandary aǵymdaǵy jyldyń basynan beri óńirde kómirtegi totyǵymen ýlanýdan 22 adam zardap shekkenin atap ótti. TJ mamandary túsindirme jumystaryn jıi júrgizip otyrandyǵyn jetkizdi. Sonymen qatar brıfıń sońynda SHQO TJD qyzmetkerleri halyqqa peshti qysqy kezeńge qalaı daıyndaý kerektigin eske salyp ótti.
