Syilyq salynǵan qorapta sábilerge arnalǵan kerek-jaraqtan basqa, Memleket basshysy Qasym-Jomart Toqaevtyń aq tilegi jazylǵan ashyq hat, el Táýelsizdiginiń 30 jyldyǵyna arnalyp shyǵarylǵan moneta bar.
Prezident óziniń aqjarma tileginde «Ainalaiyn, bóbek! Seniń týǵan kúniń elimizdiń eń basty merekesimen tuspa-tus keldi. Óziń dúnie esigin ashqan kezde halqymyz qasterli Táýelsizdiginiń 30 jyldyǵyn atap ótip jatty. Saǵan baqytty ári uzaq ǵumyr tileimin!» dep jazylǵan. Osylaisha 16-17 jeltoqsanda dúniege kelgen sábiler Prezidenttiń syilyǵyna ie boldy.
– Mereke kúni ómirge kelgen sábilerdiń ata-analardyń bári atalmysh syilyqqa ie boldy. Osy jumysty mereke atqarǵan neke qiiý ortalyqtary men «Qazposhta» qyzmetkerlerine alǵys aitamyz, – dedi «Azamattarǵa arnalǵan úkimet» korporatsiiasynyń ShQO filialynyń jetekshisi Azamat Esembýlov.
– Bizdiń ulymyz 16 jeltoqsan kúni dúniege keldi. Bul elimiz úshin aitýly kún ǵoi. Osy kúni ómirge kelgen balamyzdy bolashaqta kóptegen qýanyshty sátter kútip tur dep esepteimin. Bizder mereke kúni dúniege kelgen sábilerge arnalǵan syilyqty aldyq. Osyny uiymdastyrǵan azamattarǵa alǵys aitamyn! – dep jas ana Aqerke Bolatqyzy aǵynan jaryldy.
