سىيلىق سالىنعان قوراپتا سەبيلەرگە ارنالعان كەرەك-جاراقتان باسقا, مەملەكەت باسشىسى قاسىم-جومارت توقاەۆتىڭ اق تٸلەگٸ جازىلعان اشىق حات, ەل تەۋەلسٸزدٸگٸنٸڭ 30 جىلدىعىنا ارنالىپ شىعارىلعان مونەتا بار.
پرەزيدەنت ٶزٸنٸڭ اقجارما تٸلەگٸندە «اينالايىن, بٶبەك! سەنٸڭ تۋعان كٷنٸڭ ەلٸمٸزدٸڭ ەڭ باستى مەرەكەسٸمەن تۇسپا-تۇس كەلدٸ. ٶزٸڭ دٷنيە ەسٸگٸن اشقان كەزدە حالقىمىز قاستەرلٸ تەۋەلسٸزدٸگٸنٸڭ 30 جىلدىعىن اتاپ ٶتٸپ جاتتى. ساعان باقىتتى ەرٸ ۇزاق عۇمىر تٸلەيمٸن!» دەپ جازىلعان. وسىلايشا 16-17 جەلتوقساندا دٷنيەگە كەلگەن سەبيلەر پرەزيدەنتتٸڭ سىيلىعىنا يە بولدى.
– مەرەكە كٷنٸ ٶمٸرگە كەلگەن سەبيلەردٸڭ اتا-انالاردىڭ بەرٸ اتالمىش سىيلىققا يە بولدى. وسى جۇمىستى مەرەكە اتقارعان نەكە قييۋ ورتالىقتارى مەن «قازپوشتا» قىزمەتكەرلەرٸنە العىس ايتامىز, – دەدٸ «ازاماتتارعا ارنالعان ٷكٸمەت» كورپوراتسيياسىنىڭ شقو فيليالىنىڭ جەتەكشٸسٸ ازامات ەسەمبۋلوۆ.
– بٸزدٸڭ ۇلىمىز 16 جەلتوقسان كٷنٸ دٷنيەگە كەلدٸ. بۇل ەلٸمٸز ٷشٸن ايتۋلى كٷن عوي. وسى كٷنٸ ٶمٸرگە كەلگەن بالامىزدى بولاشاقتا كٶپتەگەن قۋانىشتى سەتتەر كٷتٸپ تۇر دەپ ەسەپتەيمٸن. بٸزدەر مەرەكە كٷنٸ دٷنيەگە كەلگەن سەبيلەرگە ارنالعان سىيلىقتى الدىق. وسىنى ۇيىمداستىرعان ازاماتتارعا العىس ايتامىن! – دەپ جاس انا اقەركە بولاتقىزى اعىنان جارىلدى.
