2025 jyldyń 6-8 maýsymy aralyǵynda búkil Qazaqstan musylmandary siiaqty, Shyǵys Qazaqstan oblysynyń turǵyndary da eń mańyzdy dini merekelerdiń biri — Qurban aitty atap ótedi. Ait namazy 6 maýsym kúni tańǵy saǵat 07:00-de oqylady. Bul jóninde ShQO-nyń bas imamy Dýman Saifýllin Óńirlik kommýnikatsiialar qyzmetiniń alańynda málimdedi,- dep habarlaidy Dalanews.kz
Merekege daiyndyq aiasynda oblystyń qala jáne aýdandarynda qurban shalýǵa arnalǵan 12 resmi oryn bekitildi. Atalǵan oryndar jergilikti atqarýshy organdarmen kelisilgen jáne sanitarlyq talaptar men qaýipsizdik normalaryna tolyq sáikes keledi.
Qurban shalýǵa bolatyn oryndardyń tizimi:
- Óskemen — Atyǵai asýy, Almaty – Óskemen trassasynyń boiynda (Ulan aýdany aýmaǵynda, bailanys munarasynyń janynda);
- Ridder — D. Qonaev atyndaǵy meshit;
- Altai aýdany — «Tenar» sharýa qojalyǵy, Tolstov kóshesi, 4;
- Glýbokoe aýdany — «Shahan-Ata» firmasy, Berestov kóshesi;
- Zaisan aýdany — «Karavan» bazary, Baitov kóshesi, 34;
- Katonqaraǵai aýdany — Abai kóshesi, 82;
- Kúrshim aýdany — Abylaihan kóshesi, 1;
- Samar aýdany — Aqqala aýyly (Abai kóshesi, 68) jáne Marinogorka aýyly (Proletarskaia kóshesi, 14);
- Tarbaǵatai aýdany — Aqjar aýyly, «Táýke» mal soiý alańy, Rysqulov kóshesi, 82;
- Ulan aýdany — Óskemen – Ulan tas jolynyń boiyndaǵy Atyǵai asýy;
- Úlken Naryn aýdany — Úlken Naryn aýyly, Gornyi kóshesi, 8/1;
- Shemonaiha aýdany — Vokzalnaia kóshesi, 236.
Nazar aýdaryńyz!
Biyl Marqakól aýdanynda qurban shalýǵa arnaiy oryn qarastyrylmaǵan.
Merekeni uiymdastyrý jergilikti ákimdikter men dini birlestikterdiń tyǵyz yntymaqtastyǵymen júzege asyrylýda.
