Shyǵys Qazaqstan oblysyndaǵy Shemonaiha qalasynyń ákimi ózi týraly áleýmettik jelide jaǵymsyz pikir qaldyrǵan áieldi sotqa berdi, dep habarlaidy Dalanews.kz.
Shemonaiha ákimi Egor Drachev jelide ózin “patsha” dep ataǵan áieldiń ústinen sotqa aryzdanǵan. Ákim atalmysh pikir týraly 2024 jyldyń 2 naýryzynda bilgen.
“Ákim Drachev qaida? Qazir onyń 50 million turatyn kólikteri bar. Bul máseleler oǵan jat, buryn ákim edi. Qazir patsha”, – delingen áieldiń jelidegi pikirinde.
Ákim bul óziniń abyroiy men namysyna nuqsan keltiredi dep esepteidi.
“Sottan joǵaryda atalǵan aqparattyń shyndyqqa janaspaidy jáne meniń ar-namysyma nuqsan keltiredi dep tanýyn suraimyn”, – delingen ákimniń aryzynda.
Shemonaiha aýdanynyń ákimdigi sotqa shaǵym berilgenin rastady.
