Shyǵys Qazaqstanda "Kóktem-2025" Respýblıkalyq komandalyq-shtabtyq oqý-jattyǵýy bastaldy. Oqý-jattyǵý 2025 jylǵy 6-7 naýryz aralyǵynda ótedi,- dep habarlaıdy Dalanews.kz
Óńirdiń azamattyq qorǵaý qyzmetteri men múddeli organdardyń aldynda sý tasqynyna baılanysty kóktemgi kezeńdegi tótenshe jaǵdaılar kezindegi is-qımyldardy pysyqtaý mindeti tur.
SHQO TJD daǵdarys ortalyǵynda avarıalyq-qutqarý jumystaryn júrgizý kezinde azamattyq qorǵaý qyzmetterin basqarýdy jáne ózara is-qımyldy qamtamasyz etetin shtab jedel túrde ornalastyryldy. Oqý-jattyǵý barysynda oblysta qulaqtandyrý júıesin tekserý jáne shuǵyl den qoıý jasaǵynyń daıyndyǵyn qaraý júrgizildi.
Jattyǵýdyń praktıkalyq bóligi Samar aýdanynda ótti. Aldyn ala oılastyrylǵan oqıǵa boıynsha, Laıly sý qoımasyndaǵy shlúzdiń aqaýlyǵyna baılanysty platına arqyly sý tasqyny boldy, Samar aýylyn sý basý qaýpi týyndady. "112" qyzmetine turǵyndardan aýla aýmaǵy men sharýashylyq qurylystaryn sý basý týraly qońyraýlar túse bastady.
TJ ornyna polısıa ekıpajdary keledi, olar daýys zoraıtqysh baılanystyń kómegimen turǵyndardy aldaǵy evakýasıa týraly habardar etedi.
SHQO TJD qutqarýshylary joǵary ótimdi tehnıkamen azamattardy qaýipsiz aımaqqa tasymaldaıdy, evakýasıalaý úshin kólik qyzmetiniń tehnıkasy da jumyldyrylǵan. Azamattardy zardap shekken halyqty qabyldaý pýnktterine jetkizedi, onda medısınalyq qyzmet tekserýdi júzege asyrady. Tamaqtaný jáne azamattardy birinshi qajettiliktegi taýarlarmen qamtamasyz etý uıymdastyryldy. TJD psıhologtary zardap shekken halyqqa kómek kórsetedi. Qoǵamdyq tártip qyzmeti zardap shekkenderdi ornalastyrý oryndarynyń kúzeti men qaýipsizdigin qamtamasyz etti.
Sý basý aımaǵynan úı janýarlaryn qaýipsiz jerlerge jetkizedi.
Komýnaldyq qyzmetter elektr berý jelilerin ajyratady, jaǵalaýdy nyǵaıtý jumystaryn, qapshyqtardy tóseýdi júzege asyrady. Arnaıy jabdyq sýdy sý qoımasynan Eshkebaı sý qoımasyna tasymaldaý kanalyna júrgizedi.
Oqý-jattyǵýdyń ekinshi kúni elimizdiń basqa óńirlerinde zardap shekkenderge kómek kórsetý úshin jiberiletin ınjenerlik tehnıkany tıeý pysyqtalatyn bolady.
