QR Prezıdenti Qasym-Jomart Toqaev elimizdiń áleýmettik-ekonomıkalyq damýyna baǵyttalǵan birqatar reformalardy jarıalaǵan úndeý jasady. Memleket basshysy usynǵan damý baǵdarlamasy árbir qazaqstandyqtyń jáne jalpy eldiń taǵdyryna qatysty kóptegen máselelerge baǵyttalǵan. Osy rette, Shyǵys Qazaqstan oblysynyń energetıka jáne turǵyn úı-kommýnaldyq sharýashylyq basqarmasy bastamasymen, oblys ákiminiń orynbasary – Nurjan Jumadılovtyń tóraǵalyǵymen otyrys ótti, – dep habarlaıdy Dalanews.kz. 

Suıytylǵan gaz baǵasyn tómendetý boıynsha ótkizilgen jınalysqa QR Básekelestikti qorǵaý jáne damytý agenttiginiń Shyǵys Qazaqstan oblysy boıynsha departamenti dırektory orynbasary Rınat Nabıev jáne gaz tasymaldaýshy uıym ókilderi qatysty. Jınalys barysynda basqarma basshysy Almat Aqyshov jańa baǵa saıasaty boıynsha tolyq túsinikteme berip, suraqtarǵa jaýap berdi.

Jıyn sońynda barlyq taraptar oblys kóleminde avtokólik gaz baǵasyn 60 teńgeden (shalǵaı aýdandarda - 65 teńge) asyrmaý týraly sheshim qabyldady.

Aıta keteıik, atalǵan baǵa 180 kúnge deıin saqtalady.