Búgin Óskemen qalasynda Shyǵys Qazaqstan oblysy Politsiia Departamentinde Ashyq esik kúni ótti. Is-shara «Qazaqstan balalary» respýblikalyq tujyrymdamasy aiasynda jáne 1 maýsym – Balalardy qorǵaý kúnine orai uiymdastyryldy. Oǵan 150-den astam mektep oqýshylary men «Jas saqshy» baǵdarlamasynyń kadetteri qatysty, – dep habarlaidy Dalanews.kz
Saltanatty bólim sapqa turý men qonaqtardy qarsy alýdan bastaldy. Balalar Ishki ister ministriniń beinequttyqtaýyn kórip, ShQO PD bastyǵy Erlan Omarbekovtiń jyly lebizderin tyńdady.
Sodan keiin oqýshylar ártúrli taqyryptyq alańdarǵa bólinip, túrli is-sharalarǵa qatysty. Biri shahmat pen ústel tennisinen saiyssa, endi biri internet qaýipsizdigine arnalǵan viktorinaǵa qatysty. Jas qatysýshylarǵa internettegi alaiaqtardy qalai taný jáne jeke málimetterdi qalai qorǵaý kerektigi túsindirildi.
Óz-ózin qorǵaý boiynsha sheberlik sabaqtary, sondai-aq esirtkige qarsy profilaktikalyq sabaqtar erekshe qyzyǵýshylyq týdyrdy. Kadetter politsiia qyzmetkerleri daiyndaǵan stendterdi, beinematerialdardy jáne arnaiy kórmelerdi qyzyǵa tamashalady.
Is-sharanyń sharyqtaý shegi – (SOBR) arnaiy jasaǵynyń kórneki kórsetilimi boldy. Olar shartty qylmyskerlerdi ustaý, jaýyngerlik tásilder men birlesken taktikalyq áreketterdi kórsetti. Sonymen qatar, arnaiy tehnika kórmesi men jol qaýipsizdigi aktsiiasy balalardyń kóńilinen shyqty.
Mundai is-sharalar jasóspirimderge politsiia qyzmetiniń mańyzyn, onyń jaýapkershiligi men qaharmandyq rýhyn túsinýge kómektesedi. Qatysýshylar jarqyn áser aldy, al keibireýleri bolashaq mamandyǵyn tańdap úlgergen de bolar.
