Esterińizge sala keteiik, joba ómir súrý jaǵdaiyn jaqsartýǵa jáne nysandardy óńirlik standarttar júiesine sáikes keltirýge baǵyttalǵan.
Oblys ákimdiginiń málimeti boiynsha, Shyǵys Qazaqstanda «Aýyl – El besigi» jobasy júzege asyrylyp jatqan 116 tirek, 223 spýtniktik aýyldar men kentterdiń tizimi anyqtaldy.
2019 -2020 jyldary oblystyń 20 tirek aýylynda 10 mlrd teńgeden astam somaǵa 56 joba iske asyryldy. Osylaisha, aýylda ómir súrý sapasyn jaqsartý 107 myń adamdy qamtydy. Jobaǵa sáikes 9 áleýmettik nysan salynyp, 32 nysan jóndeýden ótti. 150 shaqyrym kentishilik joldar jóndeldi. Atqarylǵan jumystardyń arqasynda 784 jumys orny quryldy.
Biyl 44 tirek jáne spýtniktik aýyldarda 93 jobany iske asyrýǵa 9 mlrd teńge bólindi. Máselen, eldi mekenderde 4 nysanynyń qurylysy bastaldy.
Densaýlyq saqtaý, bilim berý jáne mádeniet salasyndaǵy 13 áleýmettik nysanǵa kúrdeli jóndeý júrgizildi. 32 aýylda jańa jaryqtandyrý paida bolyp, 156 shaqyrym kentishilik joldar jóndeldi.
2021 jyldyń qorytyndysy boiynsha 81 joba aiaqtaldy. Abai aýdanynyń aýyldarynda kóshelerge ortasha jóndeý jumystary júrgizilip, kóshe jaryǵy ornatyldy. Aiagóz aýdany Mamyrsý aýylynda dárigerlik ambýlatoriia ǵimaraty men kósheler jóndeldi. Besqaraǵai aýdanynda joldardy ortasha jóndeýmen alty kóshe qamtylyp, úsh kóshede jańa jaryqtandyrý júrgizildi. Osyǵan uqsas jumystar Borodýliha, Glýbokoe, Jarma, Zaisan, Katonqaraǵai, Kókpekti, Kúrshim, Tarbaǵatai, Ulan, Úrjar, Shemonaiha aýdanynda, Ridder qalasynda júrgizildi.
Sonymen qatar, Katonqaraǵai ortalyq aýdandyq aýrýhanasy jáne aýdannyń basqa da aýyldyq meditsinalyq pýnkteri kúrdeli jóndeýden ótti. Ulan ortalyq aýdandyq aýrýhanasynda, sondai-aq Tarbaǵatai aýdanynyń Mańyraq aýylynda dárigerlik ambýlatoriia ǵimaratynyń kúrdeli jóndeýi aiaqtaldy. Sonymen qatar, osy aýdanda, Kókjyra aýylynda «Asyl» bóbekjaiy jańartyldy. Qabanbai aýylynda Q.Toǵysov atyndaǵy orta mektep ǵimaratyna kúrdeli jóndeý júrgizildi. Úrjar aýdanynda úsh orta mektep jóndelip, sport modýli salyndy. Kókpekti aýdanynyń Samar aýylynda dene shynyqtyrý-saýyqtyrý kesheni salyndy.
Qalǵan 12 joba 2022 jylda jalǵasyn tappaq. Alty dene shynyqtyrý kesheniniń, sport modýliniń, úsh aýyldyq klýbtyń qurylysyn aiaqtap, eki mektepke kúrdeli jóndeý júrgizý josparlanýda.
