Shyǵys Qazaqstan oblysy ákiminiń birinshi orynbasary Omar Jaqsylyq Muqashulynyń ustalǵany týraly taraǵan aqparatqa óńirlik akımat pikir bildirdi, dep habarlaıdy Dala News.
Buǵan deıin birqatar derekkózder sheneýniktiń ustalǵany jáne ózge de tulǵalarǵa qatysty prosesýaldyq áreketter júrgizilip jatqany jóninde habar taratqan edi.
Alaıda SHQO ákimdiginiń baspasóz qyzmeti bul aqparatty rastaǵan joq.
«Ákimdik atalǵan laýazymdy tulǵaǵa qatysty qandaı da bir málimetke ıe emes. Jelide taraǵan aqparat resmı derekkózdermen rastalmaǵan. Qolda bar málimetke sáıkes, ol densaýlyǵyna baılanysty ýaqytsha eńbek demalysyn alǵan», – dep habarlady oblys ákimdiginiń baspasóz qyzmeti.
Sonymen qatar Dala News Ulttyq qaýipsizdik komıtetine resmı saýal joldady. Alaıda materıal jarıalanǵan sátke deıin jaýap túsken joq.
Aıta keteıik, 11 aqpanda sheneýniktiń Instagram jelisindegi resmı paraqshasynda jumys keńesi týraly jazba jarıalanǵan. Onda óńirdiń áleýmettik salasynyń ótken jylǵy qorytyndylary shyǵarylyp, 2026 jylǵa arnalǵan josparlar talqylanǵany habarlanǵan.
Jalpy, ol áleýmettik jelilerde belsendi bolyp, atqarylǵan jumysy týraly turaqty túrde aqparat jarıalap keledi.
