Шығыс Қазақстан облысы әкімінің бірінші орынбасары Омар Жақсылық Мұқашұлының ұсталғаны туралы тараған ақпаратқа өңірлік акимат пікір білдірді, деп хабарлайды Dala News.
Бұған дейін бірқатар дереккөздер шенеуніктің ұсталғаны және өзге де тұлғаларға қатысты процессуалдық әрекеттер жүргізіліп жатқаны жөнінде хабар таратқан еді.
Алайда ШҚО әкімдігінің баспасөз қызметі бұл ақпаратты растаған жоқ.
«Әкімдік аталған лауазымды тұлғаға қатысты қандай да бір мәліметке ие емес. Желіде тараған ақпарат ресми дереккөздермен расталмаған. Қолда бар мәліметке сәйкес, ол денсаулығына байланысты уақытша еңбек демалысын алған», – деп хабарлады облыс әкімдігінің баспасөз қызметі.
Сонымен қатар Dala News Ұлттық қауіпсіздік комитетіне ресми сауал жолдады. Алайда материал жарияланған сәтке дейін жауап түскен жоқ.
Айта кетейік, 11 ақпанда шенеуніктің Instagram желісіндегі ресми парақшасында жұмыс кеңесі туралы жазба жарияланған. Онда өңірдің әлеуметтік саласының өткен жылғы қорытындылары шығарылып, 2026 жылға арналған жоспарлар талқыланғаны хабарланған.
Жалпы, ол әлеуметтік желілерде белсенді болып, атқарылған жұмысы туралы тұрақты түрде ақпарат жариялап келеді.
