ShQO ákimi Qoǵamdyq keńestiń aldynda esep berdi
Búgin Óskemende Shyǵys Qazaqstan oblystyq Qoǵamdyq keńesiniń otyrysy ótip, onda óńir basshysy Danial Ahmetovtiń esebi tyńdaldy. Oblys ákimi Shyǵys Qazaqstannyń ótken jyldaǵy áleýmettik-ekonomikalyq damýynyń qorytyndylary týraly baiandap, Prezidenttiń Qazaqstan halqyna Joldaýyn júzege asyrýdyń aiasynda biyl atqarylatyn jumystarǵa toqtaldy.
2016 jyly óńirlik jalpy ónim 14%-ǵa ósip, 2,6 trln. Teńgeden asqan.Ónerkásip óniminiń kólemi 41%-ǵa ósken. Astyqtyń mol shyǵýy men mal sharýashylyǵy ónimi óndirisiniń ósýi esebinen aýyl sharaýashylyǵynyń jalpy óniminiń kólemi 11%-ǵa artqan. Negizgi kapitalǵa investitsiia 6%-ǵa, qurylys jumystarynyń kólemi 44%-ǵa ósken. Memlekettik baǵdarlamalardy oryndaýdyń aiasynda jańa 17 myń jumys oryndary ashylǵan. 340 myń sharshy metr turǵyn úi men 10 áleýmettik nysan salynyp, qoldanysqa berilgen.
Qoǵamdyq keńestiń músheleri talqylap, biraýyzdan oblys ákiminiń esebin bekitti. Sonymen qatar otyrystyń aiasynda saraptamalyq jumys toptarynyń jetekshileri sóz alyp, ekologiialyq jaǵdaidy jaqsartý, bilim jáne sport salalaryn damytý boiynsha birqatar máselelerdi kóterdi. Eń ózekti máselelerdi oblys ákimi baqylaýyna alatyndyǵyn jetkizdi.
- Qoǵamdyq keńestiń birqatar mańyzdy suraqtar boiynsha óz ustanymynyń bolýy qýantady. Kúrdeli máselelerdi kóterip, olardy sheshý úshin kóptegen saraptamalyq toptar qurǵandaryńyz úshin alǵys bildiremin, - dedi aimaq basshysy Danial Ahmetov.
