ShQO ákimi: «Qytai standarttary boiynsha sertifikattaý – Qytai naryǵyna jol ashady»
Zerthananyń áleýetin tiimdi paidalaný úshin eki jaqtyń da múddelerin eskere otyryp, bizdiń óńirde barlyq qajetti resýrstar men múmkindikter bar ekenin aita ketý kerek. Oblys ákiminiń aitýynsha, Óskemende ashylatyn zerthanany «Qytaiǵa shyǵatyn eksporttyq qaqpa» dep senimmen aitýǵa bolady.
– Qytai standarttaryna sáikes sertifikattaý – Qytai naryǵyna esik ashatyn kilt. Óitkeni, irgemizde 26 millionnan astam halqy bar, tabysy aitarlyqtai joǵary ShUAR provintsiiasy ornalasqan. Qytaida indýstrialdy revoliýtsiiaǵa bailanysty halyqtyń tutynýshylyq talǵamy ózgerýde. Sol sebepti atalmysh provintsiianyń turǵyndary bizdiń aýyl sharýashylyǵy ónimderimizdiń tutynýshysy bolady. Sondyqtan bul birinshi kezekte óńirdiń aýyl sharýashylyǵyn damytýda basym baǵyt bolýy kerek.
Biregei zerthanany qurý úshin oblys ákimdigi jeke turǵan ǵimaratty belgiledi. Búgingi kúni ǵimaratty qaita jóndeý boiynsha jobalyq-smetalyq qujattama men Jol kartasy ázirlendi. Sonymen qatar Qytaidyń inspektsiia jáne karantin ǵylymi-zertteý institýtynyń delegatsiiasy Shyǵys Qazaqstanǵa kelip, zerthanaǵa arnalǵan ǵimaratty teksergen, oblystyń eksporttyq áleýetin zerdelep, Óskemendegi zerthanalar jelisiniń bar-joǵyn anyqtaǵan.
2019 jyly qytai standarttary boiynsha zerthananyń qyzmet sapasyn akkreditatsiiadan ótkizý josparlanýda, sonyń arqasynda mal jáne ósimdik sharýashylyǵynyń ónimderin Qytaiǵa kedergisiz eksporttaýǵa múmkindik týady.
Qytai Halyq Respýblikasynyń standarttaryna sáikes akkreditatsiia júrgizý eki eldiń standarttary boiynsha aiyrmashylyqtarǵa bailanysty týyndaityn kedergilerdi joiady, iaǵni zerthanada synalatyn barlyq ónimder qosymsha zertteý júrgizýdi qajet etpesten eksportqa jóneltiledi.
ShQO ákiminiń baspasóz qyzmeti
https://dalanews.kz/30625
